Oʻzbekiston aeroportlari toʻqqiz oyda 12 milliondan ortiq yoʻlovchiga xizmat koʻrsatdi
Oʻzbekiston aeroportlari toʻqqiz oyda 12 milliondan ortiq yoʻlovchiga xizmat koʻrsatdi
2026 yilning toʻqqiz oyida Oʻzbekiston havo darvozalari 12,6 milliondan ortiq yoʻlovchiga xizmat koʻrsatdi — bu oʻtgan yilgidan 13 foizga koʻpdir. Aviareyslar soni ham ortdi, ishlov berilgan yuk va pochta hajmi esa chorakdan ziyodga oʻsdi. Bunda hududlardagi dinamika turlicha boʻlib chiqdi.
Yanvardan sentyabrgacha mamlakat aeroportlari 102,8 mingta reyssga xizmat koʻrsatdi — bu oʻtgan yildagidan 10 foizga koʻp. Ulardan 71,6 mingi xalkaro yoʻnalishlarga, yana 31,2 mingi ichki yoʻnalishlarga toʻgʻri keldi.
Umumiy yoʻlovchi oqimi 12,66 million kishini tashkil etdi. Xalqaro reyslardan 10,36 million yoʻlovchi, ichki reyslardan 2,3 million yoʻlovchi foydalandi. Oʻsish tegishlicha 13 % va 15 % ni tashkil etdi.
Toshkent ilgarigidek mamlakatning asosiy aviauzeli boʻlib qolmoqda. Poytaxt aeroporti 8,49 million yoʻlovchini qabul qildi va 62,5 mingta reyssga xizmat koʻrsatdi. Oʻtgan yilga nisbatan yoʻlovchi oqimi 16 foizga, reyslar soni esa 7 foizga oshdi.
Hududiy aeroportlar orasida yoʻlovchilar soni boʻyicha Samarqand 1,11 million kishi, Urganch — 724,4 ming, Fargʻona — 511 ming va Namangan — 497,6 ming yoʻlovchi bilan yetakchilik qilmoqda.
Eng sezilarli oʻsish Andijonda qayd etildi: yoʻlovchi oqimi 8,7 baravarga koʻpayib, 161,4 ming kishiga yetdi. Biroq bunday sakrash koʻp jihatdan oʻtgan yilgi past baza bilan izohlanadi. Aeroport keng koʻlamli rekonstruktsiyadan soʻng 2025 yil 20 martda oʻz faoliyatini qayta boshlagan edi, shu sababli oʻtgan yilning mos davrida hali poʻla quvvat bilan ishlamayotgan edi.
Yoʻlovchilar sonining sezilarli oʻsishi boshqa shaharlarda ham qayd etildi. Termizda koʻrsatkich 48 foizga, Urganchda — 18 foizga, Nukusda — 17 foizga oshdi. Termizda bunga umraga joʻnab ketayotgan ziyoratchilar uchun tashuvlarning rivojlanishi va Flyadeal aviakompaniyasi parvozlarining boshlanishi yordam berdi. Hamyonbop ziyorat turlari, jumladan, qoʻshni mamlakatlar aholisini ham jalb etdi. Urganch va Nukusda yangi xalqaro reyslarning ochilishi qoʻshimcha omil boʻldi.
Biroq hamma aeroportlar ham yoʻlovchi oqimini oshira olmadi. Namanganda u 16 foizga, Qarshida — 22 foizga kamaydi. Uzbekistan Airports maʼlumotlariga koʻra, koʻrsatkichlarga geosiyosiy vaziyatni hisobga olgan holda yoʻnalishlar tarmogʻi, alohida yoʻnalishlarga boʻlgan talab va aviakompaniyalar jadvalidagi oʻzgarishlar taʼsir koʻrsatmoqda.
Fargʻonada esa, aksincha, reyslar soni 11 foizga qisqarganiga qaramay, yoʻlovchilar 5 foizga koʻpaydi. Samarqandda reyslar soni 2 foizga kamaygani holda yoʻlovchi oqimi oʻtgan yilgi darajada saqlanib qoldi.
Navoiyda aeroport ishining strukturasining oʻzi oʻzgarmoqda. Yoʻlovchi reyslarining qisqarishi va yoʻlovchi oqimining 22 foizga kamayishiga qaramay, xizmat koʻrsatilgan umumiy reyslar soni 14 foizga oshdi, yuk yoʻnalishi esa oʻz pozitsiyalarini mustahkamladi.
Buxoroda toʻqqiz oyda 407,4 ming yoʻlovchiga xizmat koʻrsatildi — bu oʻtgan yilgidan 1 foizga kam. Shu bilan birga, hududda aviatashuvlar va turizmni rivojlantirish imkoniyatlarini kengaytirishi kerak boʻlgan yangi xalqaro aeroport loyihasi amalga oshirilmoqda.
Alohida oʻsish yuk segmentida qayd etildi. Yanvar–sentyabr oylarida Oʻzbekiston aeroportlari 84,8 ming tonna yuk va pochtaga ishlov berdi — bu 2025 yilning shu davridagidan 27 foizga koʻpdir. Asosiy hajm Toshkent aeroportiga toʻgʻri keldi, bu yerda 78,9 ming tonnaga ishlov berildi.
, Fargʻonada Afgʻonistonning Kam Air kompaniyasi bilan birgalikda xalqaro aviakompaniya tashkil etish rejalashtirilmoqda.