Nvidia rahbari Ostonaga keldi: Qozoğiston sunʼiy intellekt yönalişida nimalar qilyapti?
Nvidia asosçisi va rahbari Jensen Xuang Qozoğistonga ilk taşrifida mamlakatni robototexnika va jismoniy muhit bilan işlaydigan SI texnologiyalarini (Physical AI) rivojlantiriş böyiça global markazga aylantirişni taklif qildi. Taşrif Qozoğistonning yirik hisoblaş quvvatlari, data-markazlar va mahalliy texnologik kompaniyalarga tayangan yangi iqtisodiy strategiyasiga eʼtiborni kuçaytirdi.
Nvidia rahbari Ostonaga keldi: Qozog‘iston sunʼiy intellekt yo‘nalishida nimalar qilmoqda?
Nvidia kompaniyasi asoschisi va bosh direktori Jensen Xuang 23-oktabr kuni Ostona shahriga keldi. U Qozog‘iston prezidenti Qosim-Jo‘mart bilan uchrashdi, mamlakatning sunʼiy intellekt sohasidagi infratuzilmasi va texnologik ekotizimi bilan tanishdi.
NVIDIA — AQShning grafik protsessorlar va sunʼiy intellekt uchun hisoblash texnologiyalarini ishlab chiqaruvchi yirik texnologik kompaniyasi. Uning chiplari sunʼiy intellekt modellarini o‘qitish va ishlatish, superkompyuterlar hamda maʼlumotlar markazlarini qurishda keng qo‘llanadi.
Ostonadagi alem.ai xalqaro sunʼiy intellekt markazida bosh vazir o‘rinbosari — sunʼiy intellekt va raqamli rivojlanish vaziri Jaslan Madiev bilan o‘tgan ochiq suhbat tashrifning asosiy tadbirlaridan biri bo‘ldi va YouTube’da jonli efirga uzatildi.
Xuang Qozog‘istonning energetika resurslari, muhandislik salohiyati va sunʼiy intellektni davlat siyosati darajasiga olib chiqqanini muhim ustunlik sifatida baholadi. Uning fikricha, mamlakat faqat energiya resurslarini eksport qilish bilan cheklanmay, ulardan foydalanib, sunʼiy intellekt sohasidagi qimmatli mahsulotlar va xizmatlarni ham tashqi bozorlarga chiqarishi mumkin.
“Kelajakda faqat energiyani eksport qilish o‘rniga, siz energiyani intellektga aylantirib, intellektni eksport qilishingiz mumkin”, – dedi Nvidia rahbari.
Sunʼiy intellektni rivojlantirish uchun katta hajmlarda elektr energiyasi, maʼlumotlar va hisoblash quvvatlari kerak. Shu nuqtayi nazardan, Jensen Xuangning fikricha, Qozog‘istonning tabiiy resurslari va texnologik kadrlar tayyorlash imkoniyatlari mamlakatga xalqaro raqobatda ustunlik berishi mumkin.
Nvidia rahbari Qozog‘istonni Physical AI sohasida ham xalqaro markazga aylantirish imkoniyati borligini qayd etdi. Bu yo‘nalish sunʼiy intellektning robotlar, avtonom transport, ishlab chiqarish uskunalari va boshqa jismoniy tizimlar bilan ishlashini qamrab oladi.
Xuangning so‘zlariga ko‘ra, Qozog‘istonda tog‘-kon sanoati, qishloq xo‘jaligi, logistika va energetika kabi sohalarning rivojlangani bunday texnologiyalarni ishlab chiqish va sinovdan o‘tkazish uchun imkoniyat yaratadi.