Nurafshonda suv ta’minoti bo‘yicha salkam 14 mlrd so‘m talon-toroj qilib yuborildi
Oqova suv tozalash inshootida amalda bajarilgan 73,3 mlrd so‘mlik qurilish ishlarini 87,2 mlrd so‘mga bajarilganligi
Nurafshonda suv ta’minoti bo‘yicha qariyb 14 mlrd so‘m talon-toroj qilindi
Toshkent viloyatida 13,9 mlrd so‘mlik budjet mablag‘lari talon-toroj qilingani aniqlandi.
Bosh prokuratura huzuridagi Departamentning Zangiota tumani bo‘limi tomonidan tergovga qadar tekshiruv o‘tkazildi.
«Suv ta’minot va oqova suv obyektlari qurilishi bo‘yicha injiniring kompaniyasi» DUK Toshkent hududiy boshqarmasi hamda Toshkent viloyati «Suvoqova» DUK o‘rtasidagi shartnomaga muvofiq, Nurafshon shahrida qurilayotgan oqova suv tozalash inshootida amalda bajarilgan 73,3 mlrd so‘mlik qurilish ishlarini 87,2 mlrd so‘mga bajarilgan, degan soxta ma’lumotlar rasmiylashtirilib, 13,9 mlrd so‘mlik budjet mablag‘lari o‘zlashtirish yoki rastrata yo‘li bilan talon-toroj qilingani ma’lum bo‘ldi.
Mazkur holat bo‘yicha Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.