Nukusda 22 ta gaz toʻldirish shoxobchasi jarimaga tortildi
Oʻzbekiston Raqobatni rivojlantirish va isteʼmolchilar huquqlarini himoya qilish qoʻmitasi Qoraqalpogʻistondagi 22 ta gazni toʻldirish shoxobchasiga nisbatan raqobatga zid til biriktirilgan (muvofiqlashtirilgan) harakatlar uchun moliyaviy jarimalar qoʻllanilganini maʼlum qildi.
Nukusda 22 ta gaz toʻldirish shoxobchasi jarimaga tortildi
Idora maʼlumotlariga koʻra, fuqaroning murojaati tekshiruv oʻtkazilishiga sabab boʻlgan, shundan soʻng Nukusdagi 22 ta avtomobillarga gaz toʻldirish kompressor shoxobchasida narxning shakllanishi oʻrganilgan. Ushbu shoxobchalarda 1 kub m siqilgan gaz bir vaqtning oʻzida amaldagi narxdan oʻrtacha 1050 soʻmgacha yuqori bahoda sotilgani aniqlandi.
Komitet tomonidan maʼlum qilinishicha, Qoraqalpogʻiston Respublikasi Komitetining Maxsus komissiyasi ushbu xoʻjalik yurituvchi subʼyektlarga nisbatan «Raqobat toʻgʻrisida»gi qonunning 19-moddasida nazarda tutilgan raqobatga zid muvofiqlashtirilgan harakatlar fakti boʻyicha ish qoʻzgʻatdi. Ishni belgilangan tartibda koʻrib chiqish yakunlari boʻyicha moliyaviy jarima solish toʻgʻrisida qaror qabul qilingani qayd etiladi. Bundan tashqari, aniqlangan qoidabuzarliklarni bartaraf etish va kelgusida bu kabi holatlarga yoʻl qoʻymaslik haqida bajarilishi majburiy boʻlgan koʻrsatmalar berildi.
Idora maʼlumotlariga koʻra, Maxsus komissiya qaroridan norozi boʻlgan toʻqqizta subʼyekt sudga murojaat qilgan; sud komitet qarorlarining qonuniyligini yana bir bor tasdiqladi.