Norin-Sirdaryo irrigatsiya boshqarmasi mas’uli 11,5 ming dollar bilan qo‘lga tushdi
U jabrlanuvchiga Mingbuloq tumani hududidan 40 sotix yer maydonini auksion savdolarisiz rasmiylashtirib berishini aytgan.
Norin-Sirdaryo irrigatsiya boshqarmasi mas’uli 11,5 ming dollar bilan ushlandi
Namangan viloyatida yer maydonlarini olib berish bilan bog‘liq firibgarlik holati aniqlangan.
Bosh prokuratura huzuridagi Departamentning Namangan viloyati boshqarmasi hamda boshqa huquqni muhofaza qiluvchi organlar xodimlari hamkorligida tezkor tadbir o‘tkazildi.
Tadbir davomida Norin-Sirdaryo irrigatsiya tizimlari havza boshqarmasi xodimi X.D. va fuqaro B.A. o‘zaro til biriktirib, fuqaro M.E.ga Mingbuloq tumani hududidan 40 sotix yer maydonini auksion savdolarisiz uning nomiga rasmiylashtirib berishlarini aytib, 11 500 AQSh dollarini olayotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari olib borilmoqda.