Neue Klasse uslubidagi yangi BMW iX4 taqdim etildi
BMW ikkita elektromotor va qoʻshimcha opsiya sifatidagi sariq rangli faralarga ega yangi iX4 modelini namoyish qildi. U 2027-yilning mart oyida sotuvga chiqadi.
Neue Klasse uslubida yangi BMW iX4 namoyish qilindi
BMW kompaniyasi iX3 va i3 modellari bilan birga Neue Klasse oilasidagi uchinchi model sifatida yangi iX4 elektr krossoverini eʼlon qildi.
Yangi avtomobilning asosiy farqi — brendning odatiy krossoverlariga qaraganda tom chizigʻining ancha qiya tushganidir. Standart versiyada avtomobil M Sport uslubidagi bezaklar bilan taqdim etiladi.
iX4 50 xDrive modeli 2027-yil mart oyida savdoga chiqadi. Carscoops nashriga ko‘ra, AQSHdagi boshlang‘ich narxi 66 200 dollarni (taxminan 780 mln soʻm) tashkil etadi. Ishlab chiqarish Debretsen (Vengriya) shahridagi BMW zavodida yoʻlga qoʻyiladi.
Savdolar boshlangan dastlabki davrda barcha komplektatsiyalar toʻliq taqdim etilmaydi.
**iX4 50 xDrive texnik tavsiflari**
**Dvigatel:** ikkita elektromotor, toʻliq gʻildirakli uzatma (AWD); quvvati — 463 ot kuchi (345 kVt), aylanma lahzasi — 644 N·m.
**Dinamikasi:** 0–96 km/soat tezlanish — 4,7 soniya, maksimal tezligi — 209 km/soat.
**Batareya va yurish zaxirasi:** foydali sigʻimi — 112,2 kVt·soat, hisoblangan maksimal yurish zaxirasi — 689 km.
**Quvvatlash:** 800 voltli arxitektura, 400 kVt gacha boʻlgan DC tezkor quvvatlashni qoʻllab-quvvatlaydi. Qulay sharoitlarda 10 daqiqada yurish zaxirasini 296 km gacha toʻldirish mumkin; 10 dan 80 foizgacha quvvatlash 21 daqiqa davom etadi. Shuningdek, ikki yoʻnalishli quvvatlash tizimi ham bor.
Keyinroq, 2027-yilda quvvati oshirilgan iX4 M60 xDrive modifikatsiyasi ham taqdim etilishi kutilmoqda. Model umumiy quvvati 612 ot kuchiga teng dvigatellar bilan jihozlanadi, elektromobil 100 km/soat tezlikka 3,7 soniyada chiqadi.
iX4 M60 modeli M moslashuvchan podveskasi, M Sport elektron orqa differensiali, takomillashtirilgan shassi sozlamalari va standart 21 dyuymli gʻildiraklar bilan taʼminlanadi. Qoʻshimcha opsiya sifatida BMW poyga avtomobillaridan ilhomlangan sariq rangli chiroqlar taklif etiladi.