Navoiy viloyatida 390 million dollarlik quyosh elektr stansiyasi ishga tushirildi.
Navoiy viloyatida 390 million dollarlik quyosh elektr stansiyasi ishga tushirildi.
Navoiy viloyatining Nurota tumanida 300 MVt quvvatga ega quyosh fotoelektr stansiyasi va 150 MVt quvvatga ega energiya saqlash tizimi ishga tushirildi.
Ushbu 390 million dollarlik loyiha China Energy Overseas Investment bilan hamkorlikda amalga oshirildi. Ob'ektlarda o'ttizta doimiy ish o'rni yaratildi.
Stansiya yiliga 657 million kVt/soat yashil elektr energiyasi ishlab chiqaradi. Bu hajm bir yil davomida taxminan 273 000 xonadonni elektr energiyasi bilan ta'minlash uchun yetarli.
Ushbu majmuaning ishga tushirilishi yiliga 175 million kub metr tabiiy gazni tejashga va atmosferaga 377 000 tonna zararli moddalarning chiqarilishining oldini olishga imkon beradi.
Ta'kidlanishicha, mustaqillikning 35 yilligi arafasida O'zbekistonning turli hududlarida qariyb 50 trillion so'mlik 163 ta sanoat, xizmat ko'rsatish va ijtimoiy obyektlar ishga tushirildi. Ularning faoliyati 15 000 ta ish o'rni yaratishi kutilmoqda.