Namangan viloyati delegatsiyasi Italiyada pishloq ishlab chiqarishni oʻrgandi
Shavkatjon Abdurazzokov boshchiligidagi delegatsiya Italiyaning Antica Fattoria Caseificio Scalabrini sir zavodiga tashrif buyurdi va Parmigiano Reggiano DOP ishlab chiqarilishi bilan tanishdi.
Namangan viloyati delegatsiyasi Italiyada pishloq ishlab chiqarish jarayoni bilan tanishdi
Hokim Shavkatjon Abdurazzoqov boshchiligidagi Namangan viloyati delegatsiyasi Parmigiano Reggiano DOP pishlogʻini ishlab chiqarishga ixtisoslashgan Italiyaning Antica Fattoria Caseificio Scalabrini kompaniyasida boʻldi.
Hudud vakillari mahsulot tayyorlash texnologiyalari, uning sifatiga qoʻyiladigan talablar va saqlash sharoitlarini oʻrgandilar. Bu haqda Namangan viloyati hokimligi axborot xizmati xabar bermoqda.
Tashrif davomida delegatsiya aʼzolari korxonada qoʻllaniladigan anʼanaviy pishloq tayyorlash usullari bilan tanishdilar, shuningdek, mahsulot uzoq vaqt davomida saqlanadigan maxsus omborxonalarni koʻzdan kechirdilar.
Namangan viloyati vakillariga pishloqning yetilish bosqichlari va ishlab chiqarish jarayonini tashkil etish xususiyatlari haqida soʻzlab berildi. Sut mahsulotlari ishlab chiqarish sohasidagi Italiya tajribasiga hamda sifat standartlariga rioya qilishga alohida eʼtibor qaratildi.
Tashrif delegatsiyaga Italiya ishlab chiqaruvchilarining pishloq mahsulotlarini tayyorlash va saqlashdagi amaliy yondashuvlari bilan tanishish imkoniyatini berdi.