Muzlatilgan go‘sht, bo‘sh idish va mikroto‘lqinli pechga qo‘ymaslik kerak bo‘lgan boshqa narsalar (foto)
Muzlatilgan go‘sht, bo‘sh idish va mikroto‘lqinli pechga qo‘yish tavsiya etilmaydigan boshqa narsalar (foto)
Ko‘pchilikka ma’lumki, mikroto‘lqinli pechga tuxum qo‘yilsa, u yorilib ketishi, ovqat folga bilan o‘ralsa, idishning sirti uchishi mumkin. “Noviy ochag” nashri mikroto‘lqinli pechga qo‘ymaslik kerak bo‘lgan narsalar haqida ma’lumot berdi.
**Bo‘sh idish**
Mikroto‘lqinli pechning ichida hech narsa bo‘lmasa, uni yoqiq holda qoldirmang. Stakan yoki tarelkani olganingiz zahoti uni o‘chiring. Agar mikroto‘lqinli pechning ichida o‘ziga singdira oladigan mahsulotlar bo‘lmasa, magnetron (aslida mikroto‘lqinli generator) ularni o‘zi singdira boshlaydi. Bunday holatda mikroto‘lqinli pech yonib ketishi yoki yomonlashishi mumkin. Mikroto‘lqinli pechdagi mahsulotlar xuddi kaftlarimizni bir-biriga ishqalaganimiz kabi isitiladi.
**Muzlatilgan go‘sht**
Ko‘plab uy bekalari muzlatilgan go‘shtni mikroto‘lqinli pechda isitib, keyingi pishirish jarayonini tezlashtirmoqchi bo‘ladi. Bu xavfli bo‘lib, patogen bakteriyalarning ko‘payishiga olib kelishi mumkin, chunki mikroto‘lqinli pechda jarayon notekis kechadi. Mikroto‘lqinli pechlar faqat sirt qatlamida ishlaydi, 3 santimetrdan chuqurroqqa kirmaydi. Issiqlikning qolgan qismi issiqlik o‘tkazuvchanligi tufayli mahsulotga o‘tkaziladi, ya’ni oziq-ovqat o‘zini isitadi.
**Qalampir**
Mikroto‘lqinli pechni to‘liq quvvatiga qo‘yib yoqsangiz, qalampir tuxum kabi portlashi va yonib ketishi mumkin. Yana bir muammo kapsaitsin moddasi bo‘lib, u sabzavotni achchiq va issiq qiladi. Kapsaitsin mikroto‘lqinli pechda qizdirilganda aerozolga aylanadi, agar mikroto‘lqinli pechning eshigini ochsangiz, gaz idishi kabi ishlaydi. Xulosa: agar qalampirdan nimadir tayyorlamoqchi bo‘lsangiz, uni gaz pechida yoki plitada pishirgan ma’qul.
**Qog‘oz paketlar**
Ba’zi ovqatlanish joylarida avval sotib olingan bulochka yoki sendvichni mikroto‘lqinli pechda qayta pishirish sizga zararsiz tuyulishi mumkin, biroq unday emas. Ushbu o‘ramlarning ba’zilari mikroto‘lqinli pechlar ta’sirida yonishi mumkin.
**Plastik idishlar**
Plastik idishlar va mikroto‘lqinli pech yaxshi kombinatsiya emas. Ko‘pgina plastmassa turlari estrogenga o‘xshash moddalarni o‘z ichiga oladi, bu esa ba’zi organlarning buzilishiga olib kelishi mumkin. Mikroto‘lqinli pechda qizdirilganda, bu moddalar oziq-ovqatga kiradi va bunday ovqatni iste’mol qilish sog‘ligimiz uchun zararli bo‘ladi. Shuning uchun plastmassa idishni shisha idishga almashtirgan ma’qul. Konteynerlarni asosan muzlatkichda oziq-ovqatni saqlash uchun ishlatgan ma’qul.
Agar mikroto‘lqinli pechda isitishdan tashqari, gril rejimini ham yoqsangiz, hatto issiqlikka bardoshli idishlar ham yuqori haroratga bardosh bera olmaydi.
**Ovqat konteynerlari**
Ko‘pincha restoranlardagi oziq-ovqat mahsulotlarini qadoqlash uchun ishlatiladigan idishlar qizdirilganda zararli kimyoviy moddalarni ham chiqaradi. Ular ovqatni isitish uchun emas, balki uzoqroq saqlash uchun xizmat qiladi.
**Har qanday mahkam yopiladigan idish**
Shisha idishlar, qutilar, oziq-ovqat idishlari va boshqalar qizdirilganda yorilib ketishi mumkin. Pomidor yoki kolbasa kabi qobig‘i yoki po‘stlog‘i bo‘lgan mahsulotlarni pechga qo‘yishdan oldin teshib qo‘ygan ma’qul. Agar shunday qilinsa, ular isitilganda yorilib ketmaydi.