Mugabening oʻgʻli hashamatli mashinalar kontrabandasi boʻyicha surishtiruv chogʻida "hujum qilgani" uchun hibsga olindi
Marhum sobiq prezident Robert Mugabening oʻgʻli boshqa toʻrt nafar erkak bilan birga 5 noyabr kuni sud oldida javob beradi.
Mugabening oʻgʻli hashamatli avtomobillar kontrabandasi boʻyicha tekshiruv chogʻida «hujum qilish» ayblovi bilan hibsga olindi
Zimbabvening marhum sobiq prezidenti Robert Mugabening oʻgʻli Bellamin Mugabe tan jarohati yetkazish (hujum qilish) ishi boʻyicha hibsga olindi, xabar beradi politsiya.
The New Zimbabwe onlayn yangiliklar saytining xabar qilishicha, u seshanba kuni Zimbabvega ikkita transport vositasini noqonuniy olib kirishda gumonlanib ushlangan besh kishidan biri boʻlgan.
Mahalliy OAV xabarlariga koʻra, avtomobillar Zimbabve Korruptsiyaga qarshi kurash komissiyasi tomonidan musodara qilingan.
29 yoshli Mugabe — Robert Mugabe va uning ikkinchi xotini Greys Mugabening kenja oʻgʻli. 2019 yilda vafot etgan Robert Mugabe 2017 yilda 93 yoshida hokimiyatdan chetlatilishidan oldin Zimbabveni 37 yil davomida boshqargan.
Politsiyaning maʼlum qilishicha, Mugabe 43 yoshli Munashe Mubavu, 42 yoshli Terrens Yoxannes Chinyemba, 33 yoshli Fredson Piter va 34 yoshli Solomon Pamire bilan birga hibsga olingan.
Politsiya bayonotiga koʻra, ularning beshalasi ham 3 noyabr kuni mahalliy vaqt bilan soat 18:30 atrofida (Grinvich boʻyicha 16:30) Xararedagi Brompton Guest Lodge mehmonxonasida sodir boʻlgan hujum (tan jarohati yetkazish) isi boʻyicha hibsga olingan.
Ularning 5 noyabr kuni sud oldida namoyon boʻlishi kutilmoqda.