Mourinyo Tchuameni va Valverde o‘rtasidagi mojaroga nuqta qo‘ydi

Mourinyo Tchuameni va Valverde o‘rtasidagi kelishmovchilikka yakun yasadi

Madridning “Real” klubi bosh murabbiyi Joze Mourinyo o‘tgan mavsum oxirida jamoa a’zolari Orelyen Tchuameni va Federiko Valverde o‘rtasida yuzaga kelgan mojaro bo‘yicha o‘zining yakuniy qarorini e’lon qildi. Ispaniyaning AS nashri xabariga ko‘ra, portugaliyalik mutaxassis har ikki futbolchini ham jamoaning kelgusi rejalarida muhim o‘yinchilar sifatida ko‘rmoqda.

Tchuameni va Valverde o‘rtasidagi ziddiyat o‘tgan mavsum yakuni arafasida kiyinish xonasida yuz bergan. Mojaro natijasida Valverde boshidan jiddiy jarohat olib, hatto shifoxonaga olib borilgan edi. O‘sha ko‘ngilsiz voqeadan beri bu ikki yarimhimoyachi birga mashg‘ulot o‘tkazmagan.

Biroq Joze Mourinyo yuz bergan kelishmovchiliklarga nuqta qo‘yib, har ikki futbolchini ham jamoaning yangi mavsumdagi rejalariga kiritishga qaror qildi. Tajribali mutaxassis Tchuameni va Valverdeni kelgusida ham “Real” yarimhimoyasining asosiy yetakchilari sifatida ko‘rmoqda.

“Jamoa ichidagi kelishmovchiliklar yangi mavsumga o‘zining salbiy ta’sirini o‘tkazmasligi kerak. Biz bu ziddiyatni bartaraf etib, yigitlar yana yagona maqsad yo‘lida birgalikda harakat qilishlariga umid qilyapmiz”, deydi portugaliyalik mutaxassis.

Avvalroq matbuotda “Real” rahbariyati ushbu mojarodan so‘ng ikki futbolchidan birini sotib yuborishi mumkinligi haqida xabarlar tarqalgan edi. Xususan, klubning yozgi transferlar oynasida xarajatlarni kamaytirish maqsadida Tchuamenini transferga qo‘yish masalasini muhokama qilgan edi. Biroq Mourinyo rahbariyatdan uni jamoada olib qolishni ma’qul ko‘rgan.