Mourinyo Mbappeni maqtadi

**Mourinyo Mbappening o‘yinini yuqori baholadi**

Madridning “Real” klubi bosh murabbiyi Joze Mourinyo jamoaning fransiyalik hujumchisi Kilian Mbappening o‘yinidan hayratda ekanligini bildirdi. Bu haqda mutaxassis El Chiringuito nashriga bergan intervyusida ma’lum qildi.

“Mbappe – shunchaki aqlbovar qilmas futbolchi. U shunchalik kuchliki, ba’zida mashg‘ulotlarda uning o‘yinini ko‘rib kulgim keladi. Kilian haqiqiy fantastika – oliy darajadagi o‘yinchi”, – dedi Mourinyo.

Eslatib o‘tamiz, Mbappe 2024-yilning yozida Fransiyaning “PSJ” klubidan “Real”ga o‘tgandi. Hozirga qadar u madridliklar safida 103 ta o‘yinda maydonga tushib, 86 ta gol va 12 ta golli uzatmaga mualliflik qildi.

2026-yilgi Jahon chempionatida Mbappe turnirning eng yaxshi to‘purariga aylandi. Uning hisobida 8 ta o‘yinda 10 ta gol va 4 ta assist mavjud. Fransuz futbol tarixida ketma-ket ikkita mundialda (2022, 2026) “Oltin butsa”ni qo‘lga kiritgan dastlabki o‘yinchiga aylandi. Shuningdek, u Fransiya terma jamoasi tarixidagi eng yaxshi to‘purar sanaladi (66 ta gol). U 2018-yilda Jahon chempionligini ham qo‘lga kiritgan.

Ma’lumot uchun, 63 yoshli Mourinyo iyun oyida “Real” bilan uch yillik shartnoma imzolagan edi. Mbappe o‘z faoliyatida ilk bor portugaliyalik mutaxassis qo‘l ostida to‘p surmoqda.