Moliyaviy savodxonlik: assistans kim?
Assistans — bu sugʻurta kompaniyasi va sugʻurtalangan shaxs oʻrtasidagi vositachi boʻlib, sugʻurta hodisasi yuz berganda zarur yordamni tashkil etadi. Masalan, shaxs chet elga sayohat qilish uchun sugʻurtalangan va safar davomida kasal boʻlib qoldi. Assistans tibbiyot muassasasini tanlashi, sugʻurtalangan shaxsning murojaatini va sugʻurta shartnomasida nazarda tutilgan boshqa xizmatlarni tashkil qilishi mumkin. Bunda assistans sugʻurta kompaniyasining oʻrnini bosmaydi. U […] asosida harakat qiladi
Moliyaviy savodxonlik: assistans kim?
Assistans — bu sugʻurta kompaniyasi va sugʻurtalangan shaxs oʻrtasidagi vositachi boʻlib, u sugʻurta hodisasi yuz berganda zarur yordamni tashkil qiladi.
Masalan, agar shaxs chet elga sayohat qilish uchun sugʻurtalangan boʻlsa va safar davomida kasal boʻlib qolsa, assistans tibbiy muassasani tanlab berishi, sugʻurtalangan shaxsning murojaatini va sugʻurta shartnomasida nazarda tutilgan boshqa xizmatlarni tashkil qilishi mumkin.
Bunda assistans sugʻurta kompaniyasining oʻrnini bosmaydi. U sugʻurtalovchi bilan tuzilgan shartnoma asosida harakat qiladi va xizmatlarni sugʻurta shartlari doirasida tashkil etadi.
Xizmatlar uchun kim toʻlaydi?
Oʻzbekiston Respublikasining «Sugʻurta faoliyati toʻgʻrisida»gi Qonuni 26-moddasiga muvofiq, assistans xizmatlari uchun xarajatlarni sugʻurtalovchi toʻlaydi. Agar shartnomada boshqacha tartib nazarda tutilmagan boʻlsa, sugʻurta qildiruvchi yoki sugʻurtalangan shaxs ular uchun alohida toʻlov amalga oshirishi shart emas.
Boshqacha aytganda: agar sugʻurta hodisasi yuz bersa, assistans insonga uning sugʻurta shartnomasida nazarda tutilgan yordamni olishda koʻmaklashadi.