Missisipi bosh prokuroriga koʻra, bir yoshli bolaning oʻlimiga sabab boʻlgan otishmada politsiya kuch ishlatishi «oqlangan»
Bola politsiya xodimlari tomon haydalganligi aytilayotgan avtomobilning yoʻlovchi oʻrindigʻida onasining tizida oʻtirgan edi.
Missisipi bosh prokurori bir yoshli bolaning oʻlimi bilan yakunlangan otishmada politsiya kuch ishlatishini «asosli» deb topdi
Missisipi politsiyasi doʻkondagi oʻgʻrilik boʻyicha surishtiruv paytida avtomobilga qarata oʻt ochgani va ichidagi bir yoshli bolaning oʻlimiga sabab boʻlganida «asosli» kuch ishlatgan, deb qaror qildi shtat bosh prokurori.
Kohen Uayli iyun oyida Senatobiya shahrida politsiya xodimlari tomon haydalgani aytilayotgan avtomobil yoʻlovchi oʻrindigʻida, onasining tizida oʻtirgan vaqtida halok boʻlgan edi.
Rasmiylar tagliklar va bolalar kiyimlari oʻgʻirlangani haqidagi xabarga javoban voqea joyiga yetib kelishganini bildirdi.
Bolaning onasi bu ayblovlarni rad etdi. Na unga, na avtomobil haydovchisiga hech qanday jinoiy ayblov qoʻyilmagan. Doʻshanba kuni Uayli oilasining advokati bosh prokurorning xulosalarini qoraladi va voqea videosini eʼlon qilishga chaqirdi.
14 iyun kuni bolalar buyumlari oʻgʻirlangani haqidagi xabardan soʻng politsiya Walmart doʻkoniga yuborilgan. Missisipi Tergov byurosi maʼlumotlariga koʻra, xodimlar yetib kelib, ikki ayol va bir bola mashina tomon sodir boʻlayotgan harakatni koʻrishgan.
Xodimlar transport vositasini toʻxtatishga uringan, ammo avtomobil ulardan birining ustiga haydalib, xodimni urib yuborishiga sal qolgan. Shundoq qilib, bir xodim oʻt ochgan, buning oqibatida bola halok boʻlgan, haydovchi Latoyya Ferrell esa ogʻir yaralangan.
Kohenning onasi Vellesiya Uayli oʻzi yoki Ferrell oʻgʻrilik qilganini rad etdi va oʻq tegishidan oldin oʻgʻlini politsiyachilarga koʻrsatish uchun tizidan koʻtarganini aytdi.
«Ushbu hodisada Bosh prokuratura kuch ishlatilishini asosli deb topdi», dedi Missisipi bosh prokurori Linn Fitch doʻshanba kuni berilgan qisqa bayonotda.
Politsiya otishma aks etgan hech qanday videoni, jumladan bodikamera yozuvlari yoki avtoturargohdagi kuzatuv kameralari videolarini eʼlon qilgani yoʻq.
«Agar videoyozuv shtat qarorini tasdiqlasa, uni eʼlon qiling», deya davom etdi u. «Bu oila haqiqatga erishmaguncha biz kurashni toʻxtatmaymiz».
Oʻt ochgan politsiyachining advokati Martin Zummax Associated Press agentligiga haydovchi uning mijozini «oʻldirishga uringanini» aytdi.
«Uning qurol ishlatishdan boshqa chorasi yoʻq edi», dedi Zummax.
AQShda qullik tugatilganini anglatuvchi Iyun-oʻn toʻqqizinchi (Juneteenth) bayrami kuni sodir boʻlgan bu oʻlim Senatobiyada norozilik namoyishlariga sabab boʻldi.
Namoyishchilar tergovda irqiy omil rol oʻynaganini daʼvo qilishmoqda. Kohen va har ikkala ayol qora tanli, oʻt ochgan politsiyachi esa, xabarlarga koʻra, oq tanlidir.
Oʻtgan oyda shahar hokimiyati oq tanli politsiya boshligʻini gazetalar uning qayta-qayta irqiy haqoratlarni ishlatgani aks etgan sms-xabarlarni oshkor qilganidan keyin ishdan boʻshatdi.