Messi milliy jamoa bilan xayrlashdi - futbolchining 7 ta ekzotik mashinasi
Ferrari F430 Spider va Audi RS6 Lionel Messining eng sevimli avtomobillari qatoridan oʻrin olgan.
Messi milliy terma jamoadagi faoliyatini yakunladi – futbolchining 7 ta noyob avtomobili
31-avgust kuni Lionel Messi Argentina milliy terma jamoasidagi faoliyatiga yakun yasaganini eʼlon qildi.
Mashhur hujumchi oʻz faoliyatidagi ulkan yutuqlardan tashqari, noyob avtomobillarga boʻlgan ishtiyoqi bilan ham tanilgan. U haqiqatan ham oʻziga xos avtomobillar kolleksiyasiga ega boʻlib, ularning baʼzilari katta boylikka teng.
**Maserati GranTurismo MC Stradale**
Argentinalik futbolchining sevimli avtomobillaridan biri Maserati GranTurismo MC Stradale sportkari edi. Italiya kupesi 4,7 litrli V8 atmosfera dvigateli bilan jihozlangan boʻlib, u superkarga 4,5 soniyada 100 km/soat tezlikka erishish va soatiga 300 km dan yuqori maksimal tezlikda harakatlanish imkonini beradi. 2017-yilda Messi ushbu sportkarda qariyb 50 ming km masofa bosib oʻtgach, uni 120 ming yevroga sotuvga qoʻydi.
**Ferrari F430 Spider**
Ammo Messi boshqa bir italyan sportkaridan ayrilishni istamadi – Ferrari F430 Spider rodsteri hamon futbolchining garajida turibdi. Avtomobil Pininfarina atelyesi mutaxassislari ishtirokida, 2000-yillarning oʻrtalarida "Formula-1" bolidlarida qoʻllanilgan aerodinamika texnologiyalaridan foydalanib ishlab chiqilgan. 510 ot kuchiga ega dvigatelli avtomobil 100 km/soat tezlikka 3,7 soniyada erishadi, uning maksimal tezligi esa soatiga 315 kmni tashkil etadi.
**Pagani Zonda Cinque Roadster**
Pagani Zonda Cinque Roadster – Lionel Messi kolleksiyasidagi eng noyob, qimmat va ekstremal avtomobillardan biridir. Konstruksiyasida kompozit materiallar, titan, magniy va inkonel qoʻllanilgan avtomobilning vazni atigi 1210 kilogrammni tashkil etadi. Ulkan 7,3 litrli, 678 ot kuchiga ega AMG V12 dvigateli rodsterni 100 km/soat tezlikka 3,4 soniyada olib chiqadi. Mashinaning maksimal tezligi soatiga 350 km. Bunday superkarlardan jami 5 dona ishlab chiqarilgan boʻlib, har birining narxi 1,8 million yevrodan boshlanadi.