Messi jarima zarbalaridan urilgan gollar bo‘yicha ikkinchi o‘ringa ko‘tarildi

Messi jarima zarbalaridan urilgan gollar bo‘yicha ikkinchi pog‘onaga chiqdi

“Inter Mayami” hujumchisi Lionel Messi futbol tarixida jarima zarbasidan kiritilgan gollar soni bo‘yicha ikkinchi o‘ringa ko‘tarildi.

“Inter Mayami” MLS muntazam chempionati doirasida o‘z maydonida “San-Diego” bilan 2:2 hisobida durang qayd etdi. Messi ushbu uchrashuvda jarima zarbasidan gol urib, bunday gollari sonini 75 taga yetkazdi. Shu tariqa u braziliyalik Jairni (74 ta gol) ortda qoldirdi. Krishtianu Ronaldu hisobida jarima zarbalaridan urilgan 64 ta gol bor.

Messi 39 yoshda va 2023-yildan beri “Inter Mayami” safida o‘ynab kelmoqda. Yevropada argentinalik futbolchi Fransiyaning “PSJ” hamda Ispaniyaning “Barselona” klublarida to‘p surgan. “Barselona” bilan u to‘rt marta Chempionlar Ligasida, uch martadan UEFA Superkubogi va klublar o‘rtasidagi Jahon chempionatida g‘olib chiqqan.

Hujumchi 2022-yilgi Jahon chempionatining oltin, 2014 va 2026-yilgi mundiallarning kumush medali sohibi, 2008-yilgi Olimpiada chempioni hamda Amerika Kubogining ikki karra (2021, 2024) g‘olibi hisoblanadi. Messi “Oltin to‘p”ni qo‘lga kiritish bo‘yicha rekordchi bo‘lib, argentinalik futbolchi ushbu sovrinni sakkiz marta yutgan.