Mbappe siyosiy aksiyada qatnashishni istamagani tufayli tanqidga uchradi
«Real» futbolchilaridan oʻyinga Seuta aholisi qoʻllab-quvvatlangan futbolkalarda chiqish soʻraldi. Koʻpchilik shunday qildi – ammo ayrimlar yozuvlarni yashirishdi va tezda bu kiyimni yechib tashlashdi. Mbappe seutaliklarni ham, muhojirlarni ham qoʻllab-quvvatlash kerakligini aytdi.
Mbappe siyosiy aksiyada ishtirok etishni istamagani uchun tanqid ostida qoldi
15-sentabr kuni kechqurun Ispaniya La Ligasi 6-turi doirasida navbatdagi bahs bo‘lib o‘tdi — «Elche» Madridning «Real» klubini qabul qildi. Maydonga chiqishdan avval futbolchilarga ko‘ksida Todos somos caballas, ya’ni «Barchamiz – skumbriyalarmiz» (Seuta aholisi o‘zini shunday ataydi) yozuvi tushirilgan futbolkalar tarqatildi. Ushbu aksiyaning maqsadi — Ispaniyaning Marokashdan kelgan migrantlar oqimi sababli keng ko‘lamli inqirozga yuz tutgan eksklavi aholisini qo‘llab-quvvatlash edi.
Joze Mourinio bunga kinoya bilan munosabat bildirib, boshini chayqagancha chetga ketadi. «Real» texnik xodimi futbolkalarni ulashishni boshlaganida esa Kilian Mbappe uni turtib yuborib, haydamoqchi bo‘ladi. Vinisius ham og‘zini qo‘llari bilan yopgan holda Kamavinga bilan bu masalani muhokama qiladi.
Oxir-oqibat jamoa sardori Fede Valverde vaziyatga aralashib, barchani bunga ko‘ndirishga muvaffaq bo‘ladi va hamma futbolkalarni kiygan holda maydonga chiqadi. Biroq uch futbolchi — Kilian Mbappe, Vinisius (ular eng oxirgi bo‘lib kiyishgan) va Ibraima Konate yozuvlar to‘liq ko‘rinmasligi uchun futbolkalarni faqat yarmigacha kiygan va buni oxirigacha to‘g‘rilamagan. Mbappe va Vinisius fotosessiyadan so‘ng darhol futbolkalarni yechib tashlashgan.
O‘yindan keyin Mbappedan bu haqda izoh so‘ralganda, u nafaqat Seuta aholisi, balki halok bo‘lgan yoki dahshatli sharoitlarda yashashga majbur bo‘layotgan migrantlar bilan ham birdamligini aytgan. «Men Seuta va barcha qurbonlar bilan birdamligimni izhor etaman […] Chunki men nafaqat futbolchi, avvalo insonman», — degan «Real» hujumchisi.
Uning otasi — marokashlik, Yamal ham Marokash milliy jamoasi safida o‘ynashi mumkin edi, ammo yakunda Ispaniyani tanlagan.
Mbappe, Konate va Vinisiusning xatti-harakatlari Ispaniya va Fransiyada siyosatchilar tomonidan katta e’tirozlarga sabab bo‘ldi. Konservativ va o‘ta o‘ng partiyalar futbolchilarning harakatlarini ispan xalqi va umuman Yevropaga nisbatan hurmatsizlik deb baholab, ularni tanqid qildi. Bundan tashqari, o‘ng qanotga mansub muxlislar, jumladan, «Real»ning ham shunday muxlislari guruhi futbolchilardan uzr so‘rashni talab qilmoqda.