“Manchester Siti” Rodriga o‘rinbosar topdi — Romano

“Manchester Siti” Rodri o‘rniga yangi futbolchi topdi — Romano

“Manchester Siti” klubi Rodri “Barselona”ga transfer qilinganidan so‘ng, Fransiyaning “Lill” jamoasi yarimhimoyachisi Ayyub Buaddini o‘z safiga qo‘shib olishga intilmoqda. Insayder Fabrisio Romanoning xabar berishicha, 18 yoshli marokashlik futbolchi Angliya klubi bilan shaxsiy shartnoma shartlarini allaqachon kelishib olgan. Uning Angliyaga ko‘chib o‘tishi bir yildan keyin emas, balki shu yozda amalga oshishi kutilmoqda.

“Shaharliklar” yaqin soatlar ichida “Lill” rahbariyati bilan muzokaralarning navbatdagi bosqichini o‘tkazadi. Buaddining transferi faqat vaqt masalasi ekanligi ta’kidlanmoqda.

Ma’lumot uchun, Ayyub Buaddi “Lill” akademiyasining tarbiyalanuvchisi hisoblanadi. U asosiy jamoada 2023/24-yilgi mavsumda, 16 yoshida debyut qilgan. Yarimhimoyachi o‘tgan 2025/26-yilgi mavsumda jami 42 ta o‘yinda maydonga tushib, 1 ta golli uzatmani amalga oshirgan.

Eslatib o‘tamiz, avvalroq “Manchester Siti” Rodrini “Barselona”ga 76,5 million yevro evaziga sotgani haqida xabar berilgan edi.