“Manchester Siti” Enso Fernandes bilan kelishib oldi — Romano
“Manchester Siti” Enso Fernandes bilan kelishuvga erishdi — Romano
“Chelsi”ning yarimhimoyachisi Enso Fernandes “Manchester Siti” bilan shaxsiy shartnoma shartlari borasida og‘zaki kelishuvga erishdi.
Insayder Fabritsio Romanoning ma’lumotlariga ko‘ra, “Manchester Siti” hozircha argentinalik futbolchining transferi bo‘yicha “Chelsi”ga rasmiy taklif yubormagan. Ammo klublar o‘rtasidagi muzokaralar yaqin orada boshlanishi kutilmoqda.
Fernandes “Chelsi”ni shu hafta oxirida tark etishi mumkin. Avvalroq London klubi 25 yoshli yarimhimoyachi uchun 120 million funt (140 million yevro) miqdorida mablag‘ olishni rejalashtirayotgani xabar qilingan edi.
Angliya Premyer Ligasining 1-turida “Chelsi” “Fulhem”ni 3:2 hisobida mag‘lub etdi. Biroq Fernandes o‘yinni zaxira o‘rindig‘ida boshladi va maydonga faqat o‘yin tugashiga 25 daqiqa qolganida tushdi.
Enso Fernandes 2023-yil yanvaridan buyon “Chelsi” safida o‘ynab kelmoqda. U London klubiga Portugaliyaning “Benfika” jamoasidan kelgan.
Argentinalik yarimhimoyachining “Chelsi” bilan amaldagi shartnomasi 2032-yil yoziga qadar tuzilgan. Transfermarkt portali Fernandesning bozor qiymatini 100 million yevroga baholamoqda.