“Mamlakatimiz kelajagi nafaqat aholi soni, balki eng avvalo ular qanday imkoniyatlarga ega bo‘lishi bilan belgilanadi” — Saida Mirziyoyeva

“Mamlakatimiz kelajagi nafaqat aholi soni, balki eng avvalo ular qanday imkoniyatlarga ega bo‘lishi bilan belgilanadi” — Saida Mirziyoyeva

Prezident administratsiyasi rahbari Saida Mirziyoyeva BMTning Aholishunoslik jamg‘armasi bilan hamkorlikda demografik barqarorlik masalalariga bag‘ishlangan tadbirda qatnashdi.

Taʼkidlanishicha, O‘zbekistonning eng muhim kapitali — uning yosh avlodi.

Bu salohiyat kelajakda demografik dividend manbaiga aylanishi uchun bugundan boshlab har bir insonning, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarur.

“Bu boradagi sa’y-harakatlarimiz manzilli va uzoq muddatli bo‘lishini ta’minlash maqsadida demografik prognozlash tizimini yo‘lga qo‘yyapmiz hamda Demografik dividend – 2050 strategiyasini ishlab chiqishni rejalashtiryapmiz. Mamlakatimiz kelajagi nafaqat aholi soni, balki eng avvalo ular qanday imkoniyatlarga ega bo‘lishi bilan belgilanadi”, – deb yozdi Prezident administratsiyasi rahbari.

Avvalroq Saida Mirziyoyeva JST bosh direktori bilan uchrashgani haqida xabar berilgandi.