Livan parlamenti o'lim jazosini bekor qilish uchun ovoz berdi.
Seshanba, 11-avgust kuni Livan parlamenti o'lim jazosini bekor qilish to'g'risidagi qonun loyihasini ma'qulladi. 128 a'zoning ko'pchiligi qonun loyihasini yoqlab ovoz berdi. Associated Press xabar berishicha, Hizbulloh bloki uni qo'llab-quvvatlamadi.
Livan parlamenti o'lim jazosini bekor qilish uchun ovoz berdi. Mamlakatdagi o'lim jazosi endi majburiy mehnatni o'z ichiga olgan umrbod qamoq jazosi bilan almashtiriladi. Livan Yaqin Sharqda o'lim jazosini bekor qilgan birinchi davlatga aylandi.
Livan adliya vaziri Adel Nassar bu qarorni "tarixiy qadam" deb ta'rifladi. Uning ta'kidlashicha, Livandagi o'lim jazosi ilgari gumondorlarni uni taqiqlagan mamlakatlardan ekstraditsiya qilishda qiyinchiliklar tug'dirgan.
Mavjud ma'lumotlarga ko'ra, Livanda oxirgi marta qatl 2004-yil yanvar oyida amalga oshirilgan. O'shandan beri mamlakatda qatllarga norasmiy moratoriy amal qilmoqda, garchi sudlar o'lim jazosini chiqarishda davom etsa ham, keyinchalik ular to'xtatib qo'yilgan yoki yengillashtirilgan.