Lazizbek Temirov Yangihayot tumani hokimi etib tayinlandi
Lazizbek Temirov Toshkent shahrining Yangihayot tumaniga hokim bo‘ldi. Bungacha u hokimning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari edi.
Lazizbek Temirov Yangihayot tumani hokimi etib tayinlandi
U Toshkent shahrining Yangihayot tumani hokimi lavozimiga tasdiqlandi, deya xabar bermoqda poytaxt hokimligi matbuot xizmati.
Lazizbek Temirov 1989-yilda Farg‘ona viloyatining Farg‘ona tumanida tug‘ilgan. 2012-yilda Toshkent davlat iqtisodiyot universitetining bakalavriatini, 2021-yilda esa magistraturasini tamomlagan.
Mehnat faoliyati davomida u iqtisodiyot va davlat boshqaruvi tizimida bir qator mas’ul lavozimlarda ishlagan.
Tayinlovga qadar, 2024-yildan buyon Yashnobod tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — tuman iqtisodiyot va moliya bo‘limi boshlig‘i sifatida faoliyat yuritib kelayotgan edi.
Yangi lavozimda Temirov 2020-yil 16-noyabrdan beri ishlab kelgan va 15-oktabrda boshqa ishga o‘tishi munosabati bilan lavozimidan ozod etilgan Hayot Inog‘omovning o‘rnini egalladi.