Kuzni yaxshi ko‘ruvchi tyulen ijtimoiy tarmoqlar yulduziga aylandi (video)
Hayvonot bog‘i xodimlari uning rang-barang xazonlar ustida dumalayotgani tasvirlangan videoni e’lon qilganidan so‘ng, rolik bor-yo‘g‘i uch kun ichida 10 milliondan ortiq tomosha qilindi.
Kuzni yoqtiradigan tyulen ijtimoiy tarmoqlarda mashhurlikka erishdi (video)
Hayvonot bog‘i xodimlari uning rang-barang xazonlar ustida dumalayotgani aks etgan videoni e’lon qilgach, rolik atigi uch kun ichida 10 milliondan ortiq ko‘rildi.
“David kuz kelishini kutib o‘tirmadi. Uning o‘zi kuzga burkandi!” — deb yozdi videoga hayvonot bog‘i ma’muriyati.
Xususiy hayvonot bog‘i xodimlarining aytishicha, ular bu videoning bunchalik ommalashib ketishini kutmagan. Ba’zi foydalanuvchilar kadrlar sun’iy intellekt yordamida yaratilgan deb o‘ylab, hayvonot bog‘ini yolg‘onchilikda ayblagan. Shu sababli ma’muriyat kulrang tyulen ishtirokidagi yana bir videoni joylashtirishga majbur bo‘ldi.
“David sizlarga yana bir bor o‘zini ko‘rsatish, salomlashish va barcha shubhalarga shaxsan chek qo‘yishga qaror qildi. Bu sun’iy intellekt emas. Bu bizning sevimli tyulenimiz David, u shunchaki kuzgi xazonlarda dumalashni juda yaxshi ko‘radi”, — deya ta’kidladi hayvonot bog‘i vakillari.
Ma’lumotlarga ko‘ra, David Stokgolm hayvonot bog‘ida tug‘ilgan. U 16 yoshida Varshavaga, u yerdan esa Borisevga ko‘chirilgan. Hozir hayvonot bog‘ida uning ixtiyorida ochiq suv havzasi va sho‘r suvli basseyn bor. David seld balig‘ini juda yaxshi ko‘radi va qish kunlarida bir kunda o‘n kilogrammdan ortiq baliq yeyishi mumkin.