Kuchukchaga jarohat yetkazgan erkak yetti sutkalik qamoq jazosini oldi
Mushukchaga jarohat yetkazgan erkakka yetti sutkalik qamoq jazosi tayinlandi
Toshkentda koʻp qavatli uyning yoʻlagida mushukchaga shafqatsiz muomalada boʻlgani videoga tushib qolgan erkak yetti sutkalik maʼmuriy qamoq jazosiga hukm qilindi. Hodisa Shayxontohur tumanida yuz bergan va ijtimoiy tarmoqlarda keng muhokamaga sabab boʻlgan edi.
Toshkent shahar IIBB matbuot xizmatining xabar qilishicha, gumonlanuvchiga nisbatan Maʼmuriy javobgarlik toʻgʻrisidagi kodeksning 111-moddasi (hayvonlarga nisbatan shafqatsiz muomalada boʻlish) boʻyicha maʼmuriy bayonnoma tuzilib, hujjatlar jinoyat ishlari boʻyicha Shayxontohur tuman sudiga yuborilgan.
Sud qarori bilan erkakka yetti sutkalik maʼmuriy qamoq jazosi tayinlandi.
Eslatib oʻtamiz, hodisa haqida 29 oktyabr kuni maʼlum boʻlgan edi. Tarmoqda tarqalgan videotasvirlarda erkak koʻp qavatli uyning yoʻlagida mushukchani polga bosib, uning oldingi oyogʻini burayotgani aks etgan. Keyinchalik veterinarlar hayvonning bilak suyagida ogʻrish (darz ketish) borligini aniqladilar.
30 oktyabr kuni Toshkent shahar IIBB matbuot xizmati erkakning shaxsi aniqlangani va ushbu fakt boʻyicha tekshiruv oʻtkazilayotganini maʼlum qilgan edi.