“Kosmonavtlar” bekatida metro yo‘liga tushib qolgan mushuk olib chiqildi
'Kosmonavtlar' metro bekati yo‘liga tushib qolgan mushuk xodimlar tomonidan xavfsiz tarzda qutqarib olindi. Jonivorga zarar yetmagan, hodisa poyezdlar harakatiga ham ta’sir qilmadi.
"Kosmonavtlar" metro bekatida relslarga tushib qolgan mushuk qutqarildi.
Ijtimoiy tarmoqlarda "Kosmonavtlar" metro bekatining poyezd yo‘lida mushukning yurganini aks ettiruvchi videolar keng tarqaldi. "Toshkent metropoliteni" AJ ma'lumotiga ko‘ra, bu holat 16-avgust kuni soat 20:01 da sodir bo‘lgan.
Videolavhalarning birida mushuk pastda bo‘lgan vaqtda poyezdning yaqinlashib kelayotganini ko‘rish mumkin.
Ta'kidlanishicha, vaziyat metropoliten xodimlari tomonidan nazoratga olingan va "Tunnel inshootlari" xizmati texnik yordam ustasi M. Maxmayusupov tomonidan mushuk xavfsiz tarzda olib chiqilgan.
Qo‘shimcha qilinishicha, ushbu hodisa poyezdlar harakat jadvaliga hech qanday ta'sir ko‘rsatmagan. Shuningdek, mushuk ham bu holat natijasida zarar ko‘rmagan.