KinoTest: “Uch savdoyi” va “Do‘st bo‘lib qolamizmi?” kabi hind filmlarini bir ko‘rishda taniysizmi?
“Goho shodlik, goho g‘am”, “Qoyilmaqom juftlik” va “Ajnabiy” singari filmlarda suratga tushgan Karina Kapur 21-sentabrda 46 yoshni qarshiladi. Sana munosabati bilan Gazeta aktrisaning kinolari asosida test tayyorladi.
KinoTest: “Uch savdoyi” va “Do‘st bo‘lib qolamizmi?” kabi hind filmlarini bir qarashda taniy olasizmi?
1980-yilda tug‘ilgan Karina Kapurning ilk filmi 2000-yilda — “Qochqin” (“Refugee”) bo‘lgan. 2001-yilda u izma-iz “Sevgi jozibasi” (“Mujhe Kucch Kehna Hai”), “Yoqimli xotiralar” (“Yaadein”), “Imperator” (“Asoka”), “Ajnabiy” (“Ajnabee”) va “Goho shodlik, goho g‘am” (“Kabhi Khushi Kabhie Gham”) filmlarida suratga tushgan.
Shundan so‘ng u “Do‘st bo‘lib qolamizmi?” (“Mujhse Dosti Karoge!”), “Qidiruv” (“Talaash: The Hunt Begins”), “Men Premning ma’shuqasiman” (“Main Prem Ki Diwani Hoon”) hamda “E'tiroz” (“Aitraaz”)da ishtirok etgan. 2006−2010-yillarda esa uning qatnashuvidagi “Omkara”, “Don”, “Uch savdoyi” (“3 Idiots”), “Biz uchrashganda” (“Jab We Met”) va “Qurbon” (“Kurbaan”) nomli filmlar namoyish etilgan.
Karina Kapur, bundan tashqari, “Pinhona” (“Chup Chup Ke”), “Qoyilmaqom juftlik” (“Kambakkht Ishq”), “Tansoqchi” (“Bodyguard”) va “Chunki — bu taqdir” (“Kyon Ki”) kabi filmlarda ham turli rollarni ijro etgan.