Kichik biznes 9 oyda Oʻzbekiston YAIMning 53,8 foizini taʼminladi
2026 yilning yanvar–sentyabr oylarida Oʻzbekiston kichik biznesi 904,8 trln soʻmlik YAIM yoki 53,8% ishlab chiqardi, faoliyat koʻrsatayotgan subʼyektlar soni esa 1,26 mlndan oshdi.
Kichik biznes 9 oyda Oʻzbekiston YAIMning 53,8 foizini taʼminladi
2026 yilning yanvar–sentyabr oylarida Oʻzbekiston kichik tadbirkorlik subʼyektlari 904,8 trln soʻmlik yalpi ichki mahsulotni shakllantirdi, bu uning umumiy hajmining 53,8 foiziga toʻgʻri keladi. 1 oktyabr holatiga koʻra, mamlakatda 1 264,5 mingta kichik biznes subʼyekti faoliyat yuritmoqda.
Faoliyat koʻrsatayotgan kichik tadbirkorlik subʼyektlarining umumiy sonidan 551,1 mingtasi fermer va dehqon xoʻjaliklarini oʻz ichiga olgan kichik korxonalar va mikrofirmalarga toʻgʻri keladi.
Yaka tartibdagi tadbirkorlar soni 357,9 mingni, yuridik shaxs tashkil etmagan dehqon xoʻjaliklari — 330,8 mingni, hunarmandlar — 18,8 mingni, oilaviy tadbirkorlar — 4,9 mingni, import tovarlari sotuvchilari — 0,9 mingni tashkil etadi.
Respublika boʻyicha oʻrtacha har 1 ming aholiga 32,2 ta kichik biznes subʼyekti toʻgʻri keladi. Eng yuqori koʻrsatkich Toshkent shahrida qayd etilgan — 51,9. Keyingi oʻrinlarni 44,7 koʻrsatkich bilan Xorazm viloyati, 41,5 bilan Sirdaryo va 36,5 bilan Jizzax viloyatlari egallagan. Absolyut subʼyektlar soni boʻyicha Toshkent shahri yetakchilik qilmoqda (168,7 ming), keyingi oʻrinlarda Samarqand (122,3 ming), Fargʻona (117,2 ming) va Andijon (116,1 ming) viloyatlari bormoqda.
Toʻqqiz oy davomida mamlakatda fermer va dehqon xoʻjaliklarini hisobga olmagan holda 66,3 mingta yangi kichik korxona va mikrofirmalar tashkil etildi. Ularning eng koʻpi savdo sohasida paydo boʻldi — 22 823 ta. Qishloq, oʻrmon va baliqchilik xoʻjaligida 8 716 ta, sanoatda — 7 924 ta, yashash va ovqatlanish xoʻjaligi sohasida — 5 921 ta korxona tashkil etildi.
YAIMda kichik biznesning eng yuqori ulushi qishloq, oʻrmon va baliqchilik xoʻjaligida qayd etildi — 93,2%. Tashish, saqlash, axborot va aloqada u 78,3%ni, qurilishda esa 75,4%ni tashkil etadi.
Kichik korxonalar tomonidan 380,2 trln soʻmlik sanoat mahsulotlari ishlab chiqarildi, bu sanoat ishlab chiqarishi umumiy hajmining 35%ini tashkil etadi.
2025 yilning mos davri bilan solishtirganda oʻsish 6,9%ni tashkil etdi. Kichik biznesning qurilish ishlari hajmi 15,3%ga ortib, 249,8 trln soʻmga yoki umumiy hajmning 73,6%iga yetdi.
Kichik tadbirkorlik subʼyektlari tomonidan oʻzlashtirilgan asosiy kapitalga investitsiyalar 27,5%ga oshib, 402,5 trln soʻmni yoki umumiy hajmning 68,9%ini tashkil etdi. Kichik biznesning qishloq, oʻrmon va baliqchilik xoʻjaligi mahsulotlari hajmi 2,1%ga oshib, 426,9 trln soʻmga yetdi, bu umumiy hajmning 91,7%ini tashkil etadi.
Kichik biznesning chakana tovar aylanmasi 21,5%ga oshib, 355,4 trln soʻmga yoki umumiy hajmning 82,2%iga yetdi. Xizmatlar hajmi 17,4%ga oshib, 567,5 trln soʻmni tashkil etdi, uning ulushi 56,6%ga toʻgʻri keldi.
Kichik biznesning tovarlar va xizmatlar eksporti 12,1 mlrd dollarni yoki mamlakat umumiy eksport hajmining 47%ini tashkil etdi. Import 20,7 mlrd dollarga yoki umumiy hajmning 52,3%iga yetdi.
Avtomobil transportida yuk tashishda kichik tadbirkorlikning ulushi 56,4%ni tashkil etdi, tashish hajmi esa 12,5%ga ortdi. Avtomobil transportining yuk aylanmasida kichik biznes hissasiga 79% toʻgʻri keldi, oʻsish esa 10,6%ni tashkil etdi.