Kaskadyorga ehtiyoj yo‘q: xavfli tryuklarni dublyorsiz ham bajara oladigan Gollivud aktyorlari

Kaskadyorga hojat yo‘q: xavfli tryuklarni dublyorsiz ham bajaradigan Gollivud aktyorlari

Ko‘pchilikka ayonki, aktyorlar ko‘plab tryuklarni o‘zlari bajarishmaydi. Bunga ko‘pincha xavfsizlik sabab bo‘ladi. Chunki aktyor jarohat olsa, suratga olish jarayoni cho‘zilib ketadi va film katta zarar ko‘radi. Ayrim aktyorlar esa jismoniy imkoniyatlari sabab murakkab elementlarni uddalay olmaydi. Ammo Gollivudda tryuklarning aksariyatini mustaqil bajaradigan aktyorlar ham bor.

**Tom Kruz**

Jangari film davomida u xavfsizlik to‘risiz mustaqil ravishda qoyaga chiqadi. Har bir yangi filmda Kruz yanada ko‘proq tavakkal qiladi va muxlislarni o‘z mahorati bilan hayratda qoldiradi.

Uning filmografiyasida Dubaydagi 828 metr balandlikdagi Burj Xalifa osmono‘par binosining tashqi devori bo‘ylab yugurish alohida o‘rin tutadi. Tomoshabinlar buni “Uddalab bo‘lmas topshiriq: Arvoh protokoli” filmida ko‘rishlari mumkin. Bundan oldin Kruzga buning imkonsizligi va sahnadan voz kechish kerakligi aytilgan edi. Suratga olish vaqtida balandlikda kuchli shamol esayotgan bo‘lsa ham, u odatdagidek dublyorsiz buni uddalaydi.

Bundan tashqari, “Uddalab bo‘lmas topshiriq: Quvg‘indilar qabilasi” filmida Tom Kruz uchib ketayotgan samolyotda osilib, havoning kuchli qarshiligini yengib o‘tadi.

Qoyalar orasida vertolyotda uchish, dubulg‘asiz motosiklda soatiga 200 kilometr tezlikda yurish, 8 kilometr balandlikdan sakrash — bular Kruzning kinoda kaskadyorlarsiz o‘zi bajargan ishlarining to‘liq ro‘yxati emas. Hayot uchun xavfli bo‘lgan bunday sahnalarga tayyorgarlik ko‘rish uchun oylab vaqt ketadi. Biroq aktyor kinoda imkon qadar haqiqatni ko‘rsatish kerakligiga ishonadi va bu borada unga teng keladigani yo‘q.

**Kianu Rivz**

Keyinchalik uni jangari filmlarga taklif qila boshlashdi, u yerda u boshqa ko‘plab ijrochilardan farqini darhol namoyon etdi — bu aksariyat tryuklarni mustaqil bajarish qobiliyati edi.

Aktyor o‘zining ilk “Tezlik” jangari filmida mashinadan avtobusga xavfli sakrashni amalga oshirgan. Keyinroq mashhur “Matritsa” filmida u jang san’atidagi ajoyib mahoratini ko‘rsatdi. Shuningdek, u tomoshabinlarga o‘qlardan qochish sahnasini ham taqdim etdi. Bu tashqi tomondan oddiy ko‘rinishi mumkin. Aslida bunday harakatlar nafaqat yuqori darajadagi egiluvchanlik, balki kuch ham talab qiladi.

Butun faoliyati davomida Rivz aksariyat tryuklarni kaskadyorlar yordamisiz bajargan. Hozir u 60 yoshga kirgan bo‘lsa-da, hanuz ajoyib jismoniy holatda.

**Jeki Chan**

Shu bois u bu kasbning barcha nozik jihatlarini yaxshi biladi.

Ommaviy tryuklarda ishlagach, Jeki Chan o‘zi ham rollarga taklif qilina boshladi. Dastlab yosh aktyor “Burgut soyasidagi ilon” jangovar komediyasida, keyinroq esa “Sarxush usta” filmida ko‘rindi, unda ham u dublyorlarsiz ishladi.

Jeki Chan nafaqat barcha tryuklarni o‘zi bajarardi, balki butun kaskadyorlar jamoasiga rahbarlik qilardi. Uning sermazmun faoliyati davomida u turli murakkablikdagi son-sanoqsiz tryuklarni amalga oshirdi.

Albatta, bu sahnalar jarohatlarsiz kechmagan. Jeki Chan besh metr balandlikdan yiqilganda, tanasining deyarli barcha qismi shikastlangan. Yana bir suratga olish paytida u yiqilib, boshini toshga urib oladi. Bu uning hayotiga xavf solishi mumkin edi. Aktyor operatsiya qildirishga majbur bo‘ladi va suratga olish ishlari bir yilga kechiktiriladi, biroq u sog‘ayganidan so‘ng ishni davom ettiradi.

Bugungi kunda Jeki Chan ekranlarda kamroq ko‘rinayotgan bo‘lsa-da, Ginnesning rekordlar kitobiga eng ko‘p tryuklarni mustaqil bajargan aktyor sifatida kiritilgan.

**Emili Blant**

Ular “Kelajak chegarasi” filmida birga rol ijro etgan. Ilmiy-fantastik blokbaster syujetiga ko‘ra, bosh qahramonlar o‘zga sayyoraliklar bilan jang qilishlari lozim. Vaqt halqasining uzilishi sababli Kruz qahramoni har safar halok bo‘lgach, jang boshidan boshlanadi.

Bu rol uchun aktrisa ilgari hech qachon bunday puxta tayyorgarlik ko‘rmagan. Filmda uning qahramoni Rita Vrataski 38 kg og‘irlikdagi ekzoskelet kiyib yuradi. Shunchaki kiyib yurmay, doimo unda yuguradi va jang qiladi.

Blant aksariyat sahnalarni, jumladan, o‘zini va hamkasbini haqiqiy xavf ostiga qo‘ygan epizodni ham o‘zi ijro etgan. U mikroavtobusni boshqara olmay, katta tezlikda daraxtga urilgan. Aktyorlar mo‘jiza tufayli jarohatlanmay qutulib qolgan. Biroq Blant hatto Tom Kruz kabi mohir tryuk ijrochisi oldida ham o‘zini yo‘qotib qo‘ymagan va uning darajasida harakat qilgan.