“Karib dengizi qaroqchilari” filmi qanday suratga olinganini aks ettiruvchi 8 ta kulgili va qiziqarli surat
“Karib dengizi qaroqchilari” filmining suratga olinish jarayonidan 8 ta qiziqarli va kulgili lavha
So‘nggi yillarda Jonni Deppning Jek Chittak obrazini ijro etishida avvalgi ishtiyoq yetishmayotgani sezilmoqda. Aktyorning fe’l-atvorini tubdan o‘zgartirib, unga ko‘plab o‘ziga xos xususiyatlarni bergan o‘sha ishtiyoq hozirda kamroq namoyon bo‘lmoqda.
Buning sababi bor: Deppning so‘zlariga ko‘ra, u “Karib dengizi qaroqchilari” loyihasi ustida ishlashni Uolt Disney kompaniyasi rahbari Dik Kuk tufayli yaxshi ko‘rgan. Kuk Jonni Jek Chittak obraziga kiritmoqchi bo‘lgan barcha o‘zgarishlarni qo‘llab-quvvatlagan. Biroq, filmning uchinchi qismidan so‘ng Kuk ishdan bo‘shatilgan va Jonni Deppning “ishtiyoqida” darz ketganini aytgan.
Foto: dzen.ru
Jek qilichbozlikda ajoyib mahoratga ega bo‘lsa-da, “Karib dengizi qaroqchilari: Qora marvarid tavqi la’nati” filmining ijodkorlari Jonnini barcha bosh qahramonlar orasida eng yomon qilichboz deb hisoblashgan. Ularning fikricha, Uill Tyorner va Jeyms Norrington qahramonlar orasida eng yaxshi qilichbozlar bo‘lgan.
Foto: dzen.ru
“Karib dengizi qaroqchilari: Dunyolar chegarasida” filmida “Birodarlik kengashi” sahnasi mavjud. Bu Kalipso taqdirini hal qilish uchun tashkil etilgan qaroqchilarning birinchi yig‘ilishi edi. Filmda qaroqchilar qaroqchilikni qanday saqlab qolish va yolg‘iz o‘lmaslik haqida qaror qabul qilish uchun birlashadilar. Keyin ular Kalipsoni ozod qilishga qaror qilishadi.
“Birodarlik kengashi” fantastik ko‘rinishga ega bo‘lsa-da, hayotda unga o‘xshash tashkilot mavjud bo‘lgan. U “Sohil birodarligi” deb nomlangan va Atlantika okeani, Karib dengizi va Meksika ko‘rfazidagi qaroqchilarni o‘z ichiga olgan hamda Tortuga orolida joylashgan edi. “Sohil birodarligi” “Qora yelkanlar” serialida ham tasvirlangan.
Foto: dzen.ru
Dastlab “Karib dengizi qaroqchilari: Murdalar ertak aytmaydi” filmi kinokartinaning yakuniy qismi bo‘lishi rejalashtirilgan edi. Biroq, studiya o‘zining juda foydali franshizasidan voz kechishga jur’at eta olmadi va filmning keyingi qismini e’lon qildi. Jonni Depp Ember Xard bilan sudlashgandan so‘ng, filmning oltinchi qismini suratga olish ishlari to‘xtatildi, keyinroq esa Depp roldan butunlay chetlashtirildi.
Foto: dzen.ru
Jonni Deppning juda ko‘p tatuirovkalari bor va ularning aksariyati Karib dengizi qaroqchilariga xos emas. Shu sababli aktyor tatuirovkalarni yopishga majbur bo‘lgan. Deppning tatuirovkalarini kiyim bilan yopish mumkin bo‘lmagan joylarda ularga ko‘mir surtilgan. Bundan tashqari, uning o‘zi ham Jek Chittakning tatuirovkasiga ega edi va Jonni birinchi filmda suratga tushganidan keyin ulardan birini o‘chirtirib tashladi.
Foto: dzen.ru
2010-yilda “Karib dengizi qaroqchilari: G‘arib dengizlarda” filmini suratga olish chog‘ida Jonni Depp 9 yoshli muxlisidan o‘ziga va sinfdoshlariga o‘qituvchilarga qarshi isyon ko‘tarishga yordam berishini so‘ragan maktub oldi. Jonni hech kimni ogohlantirmasdan, o‘zining kostyumida yaqin atrofdagi maktabga bordi va o‘sha maktab o‘quvchisini topib, undan isyon qilmaslikni so‘radi.
Foto: dzen.ru
Jek gilyotinadagi savatga qaraganda, ikkita baxtsiz insonni ko‘radi. Aniqrog‘i, ularda turgan ikkita bosh Yokim Ryonning va Espen Sandbergga tegishli bo‘ladi. Yokim va Espen “Karib dengizi qaroqchilari: Murdalar ertak aytmaydi” filmini suratga olgan rejissorlar hisoblanadi.
Foto: dzen.ru
“Karib dengizi qaroqchilari: Dunyolar chegarasida” filmi 2007-yilda chiqarilgan paytda kinokartina qismlaridagi eng qimmat loyihaga aylandi. Film budjeti 300 million dollarni tashkil etdi, bu miqdor Piter Jeksonning “Uzuklar hukmdori” trilogiyasidan ko‘p, uning loyihasi bor-yo‘g‘i 281 million dollar mablag‘ yig‘gan.