Kannavaro ketişi mumkinligi haqida xabar tarqaldi, ÖFA rad etdi
Italiyalik mutaxassis bilan 2025-yil kuzida 2+3 sxemasida şartnoma imzolangandi.
Kannavaro ketishi mumkinligi haqidagi xabar tarqaldi, O‘FA rad etdi
O‘zbekiston futbol assotsiatsiyasi futbol bo‘yicha O‘zbekiston milliy jamoasi ustozi Fabio Kannavaroning lavozimini tark etishi haqida tarqalgan xabarlarni rad etdi.
«So‘nggi soatlarda ayrim xorijiy manbalarda O‘zbekiston milliy terma jamoasi bosh murabbiyi Fabio Kannavaro Osiyo kubogi-2027 musobaqasi muddatining o‘zgartirilishi ortidan o‘z lavozimini tark etishi mumkinligi haqida xabarlar tarqalmoqda.
O‘zbekiston futbol assotsiatsiyasi mazkur xabarlar haqiqatga to‘g‘ri kelmasligini ma’lum qiladi.
Ommaviy axborot vositalari va futbol muxlislaridan tasdiqlanmagan ma’lumotlarga ishonmaslikni hamda rasmiy xabarlarga tayanishni so‘raymiz», – deyiladi bayonotda.
Bu rad javobi taniqli insayder Fabritsio Romano tarqatgan xabarga nisbatan berildi. Ushbu jurnalist avvalroq o‘z sahifalarida Osiyo kubogi bir yilga surilgani tufayli Fabio Kannavaro O‘zbekiston milliy jamoasi boshqaruvini tark etishi haqida xabar bergandi.
Ma’lumot uchun, O‘FA Fabio Kannavaro bilan 2025-yil kuzida 2+3 shaklida shartnoma tuzgan. Ya’ni Osiyo kubogidagi natijaga qarab, kelishuv yana uch yilga uzaytirilishi ko‘zda tutilgan.
Eslatib o‘tamiz, Saudiya Arabistoni mezbonligidagi Osiyo kubogi turniri qariyb bir yilga kechiktirildi. Rejaga ko‘ra, turnir 2027-yilning 7-yanvaridan 5-fevraligacha o‘tkazilishi kerak edi. Ammo OFK qarori bilan turnir 2027-yil 23-dekabrida boshlanadigan bo‘ldi, final o‘yini 2028-yil 21-yanvariga belgilangan. Tashkilot bu qarorini mintaqadagi logistika va sayohatga bog‘liq murakkabliklar bilan izohlagan.