Kanar orollari yaqinida qayiq qutqarilganidan keyin 80 dan ortiq migrant halok boʻlgan boʻlishi mumkinligidan xavotir bildirilmoqda
Qutqaruvchilar kema bortida omon qolgan 44 kishini topishdi, biroq noqulay ob-havo tufayli beshta jasadni qoldirishga majbur boʻlishdi.
Kanar orollari yaqinida qayiq qutqarilganidan keyin 80 dan ortiq migrant halok boʻlgan boʻlishi mumkinligidan xavotir bildirilmoqda
Qayiq Atlantika okeanida 27 kun davomida oqib yurganidan keyin 80 dan ortiq kishi, jumladan, bir chaqaloq halok boʻlgan boʻlishi mumkinligidan xavotir bildirilmoqda.
Ispaniya dengiz qutqaruv xizmati chorshanba kuni Gran-Kanariyaning Arginegin sohilboʻyi shahridan taxminan 65 dengiz mili janubi-gʻarbda kemani topdi va bortda 44 nafar omon qolganlar hamda beshta jasadni aniqladi.
Qayiq avgust oyi boshida Gʻarbiy Afrikadagi Gambiyadan bortida 127 kishi bilan yoʻlga chiqqan deb taxmin qilinmoqda. Ispaniyaning «Caminando Fronteras» xayriya tashkiloti asoschisi, huquq himoyachisi Xelena Maleno Garson 83 kishi halok boʻlganini aytdi.
Dengiz qutqaruv xizmati dengizdagi kuchli toʻlqinlar tufayli qutqaruvchilar beshta jasadni olib chiqisholmaganini maʼlum qildi.
Tashkilot kemada dastlab qancha odam boʻlganini tasdiqlay olmasligini, chunki bu ularning vakolatiga kirmasligini bildirdi.
Dengiz qutqaruv xizmati oʻz bayonotida omon qolgan 44 kishi Sahroi Kabirdan janubiy Afrikalik erkaklar ekanini aytdi.
«Qutqaruv ishlari yakunlangach, hududdagi noqulay ob-havo sharoiti — 20 uzelli shamol va 2,5 metrli toʻlqinlar tufayli kema bortida topilgan beshta jasadni olib chiqish imkoni boʻlmadi», — deya qoʻshimcha qildi tashkilot.
Omon qolganlardan uch nafari ogʻir ahvolda shifoxonaga vertolyotda yetkazilgan.
Qolganlari dengiz orqali Gran-Kanariyaga olib borildi va ular payshanba kuni erta tongda yetib kelishdi.