Kanalga tushgan mashinadagi ikki fuqaro qutqarib qolindi
Toshkent viloyatining Oʻrta Chirchiq tumanida YPX xodimi yoʻl-transport hodisasidan soʻng kanalga tushib ketgan avtomobil ichidagi ikki fuqaroni qutqarishda yordam berdi. Kapitan Otabek Hakimov suvga tushib, fuqarolardan birini qirgʻoqqa olib chiqqan. Koʻrsatilgan tezkor yordam natijasida ikki kishining hayoti saqlab qolingan.
Kanalga tushib ketgan avtomobildagi ikki fuqaro qutqarib qolindi
Toshkent viloyati IIBB YHXB xodimi, kapitan Otabek Hakimov Oʻrta Chirchiq tumanida xizmat vazifasini bajarayotgan paytda yoʻl-transport hodisasi sabab avtomobil kanalga tushib ketganini koʻrgan.
Mashina ichida bo‘lgan ikki fuqaro cho‘kib ketish xavfi ostida qolgan.
Maʼlum qilinishicha, YPX xodimi vaziyatning xavfli ekaniga qaramay, darhol suvga tushgan va fuqarolardan birini kanal qirg‘og‘iga olib chiqishga muvaffaq bo‘lgan.
Tezkor ko‘rsatilgan yordam tufayli avtomobil ichidagi ikki fuqaroning hayoti saqlab qolingan.
Jabrlanganlarga voqea joyida birinchi tibbiy yordam ko‘rsatilgan, keyin ular shifoxonaga yetkazilgan.
Kapitan Otabek Hakimovning harakatlari ichki ishlar organlari tomonidan eʼtirof etildi. U xizmat vaqtida ko‘rsatgan jasorati uchun pul mukofoti va esdalik sovg‘asi bilan rag‘batlantirildi.