Jizzaxda 1,2 mlrd so‘mlik kriptoaktivlarni noqonuniy ayirboshlagan misrlik talaba ushlandi
Jizzaxda 1,2 mlrd so‘mlik kriptoaktivlarni noqonuniy ayirboshlagan misrlik talaba ushlandi
Jizzax viloyatida noqonuniy kriptovalyuta ayirboshlash bilan shug‘ullanib kelgan shaxs aniqlangan.
Tezkor ma’lumotlarga ko‘ra o‘tkazilgan tadbir davomida Toshkent shahridagi oliy ta’lim muassasalaridan birida tahsil olayotgan, 2002-yilda Misr Arab Respublikasida tug‘ilgan shaxsning qonunchilikka zid ravishda kriptoaktivlar ayirboshlash faoliyati bilan shug‘ullanib kelayotgani ma’lum bo‘lgan. Uning qo‘l telefoni xolislar ishtirokida tekshirilganda, kriptovalyutani saqlash, qabul qilish va yuborish uchun mo‘ljallangan maxsus dastur hamda elektron kriptohamyon mavjudligi tasdiqlangan.
O‘tkazilgan tekshiruvlar natijasida ushbu elektron hamyon orqali jami 1 milliard 250 million 319 ming 973 so‘m miqdorida kriptoaktivlar ayirboshlanganligi aniqlangan.
Mazkur holat bo‘yicha Jizzax viloyati IIB tomonidan Jinoyat kodeksining 278-8-moddasi 3-qismi “a” bandi bilan jinoyat ishi qo‘zg‘atilib, dastlabki tergov harakatlari olib borilmoqda.
Ular 2025-yilning iyulidan 2026-yilning yanvariga qadar 793 ming USDT (taxminan 9,7 mlrd so‘mlik) kriptoaktivlar aylanmasini amalga oshirgan.