Jazoir BAA bilan diplomatik aloqalarni uzadi
Jazoir tashqi ishlar vazirligi bu qadamning sababini keltirmadi, biroq barcha chora-tadbirlar tugaganini maʼlum qildi.
Jazoir BAA bilan diplomatik aloqalarni uzadi
Soʻnggi yillarda Jazoir va BAA oʻrtasidagi diplomatik munosabatlar taranglashib bormoqda.
Jazoir Tashqi ishlar vazirligi Fors koʻrfazi davlatining "provokatsion yoki dushmanona" deb taʼriflangan harakatlaridan soʻng Birlashgan Arab Amirliklari bilan diplomatik aloqalarni uzayotganini maʼlum qildi.
"Jazoir Amirliklar tomonini jalb qilish uchun bor kuchini ayamadi va uni afsuslanarli hamda asossiz xatti-harakatlaridan kelib chiqishi mumkin boʻlgan ogʻir oqibatlardan ogohlantirdi", deyiladi xabarda.
Bayonotda Jazoirning bunday qadam tashlashiga nima sabab boʻlgani haqida aniq maʼlumot berilmagan, biroq soʻnggi yillarda bir qator mintaqaviy nizolar fonida ikki davlat oʻrtasidagi aloqalar yomonlashgan.
BAA tomonidan bunga toʻgʻridan-toʻgʻri munosabat bildirilmadi, biroq prezidentning diplomatik maslahatchisi munosabatlar "shifrlashni talab qiladigan jumboqlar va signallar" ustiga qurilmasligini aytdi.
"Diplomatik munosabatlar oqilonalik, muloqot va manfaatlarning aniqligi orqali boshqariladi", deb yozdi Anvar Gargash X ijtimoiy tarmogʻida.
U oʻz postida Jazoir nomini tilga olmagan boʻlsa-da, samarali diplomatiya manfaatlar va kelishmovchiliklarni tushunish hamda boshqarishga bogʻliq ekanini taʼkidladi.
"Noaniqlik siyosat emas va shovqin-suron istiqbol yoʻqligining oʻrnini qoplay olmaydi", deya qoʻshimcha qildi Gargash.
Jazoir Tashqi ishlar vazirligining davlat OAVlari tomonidan tarqatilgan bayonotida aytilishicha, BAAning xatti-harakatlari endilikda qabul qilib boʻlmaydigan darajaga yetgan va u "ikki tomonlama munosabatlarni saqlab qolishning barcha choralarini tugatgan".
Qoʻshimcha qilinishicha, BAA elchisi vazirlikka chaqirilib, unga qaror haqida maʼlum qilingan va mamlakatni tark etishi uchun 48 soat vaqt berilgan.
Ikki davlat oʻrtasidagi munosabatlar soʻnggi yillarda bir qancha mintaqaviy masalalarda qarama-qarshi pozitsiyada boʻlganliklari sababli tobora taranglashib bormoqda.
Jazoir Isroil bilan diplomatik munosabatlarning normallashuviga qarshi chiqmoqda, BAA va Marokash (Jazoirning qoʻshnisi va raqibi) esa AQSh vosichiligidagi "Ibrohim kelishuvlari" doirasida Isroil bilan aloqalar oʻrnatgan.
BAA, shuningdek, suverenitet boʻyicha oʻnlab yillar davom etayotgan nizoda Marokashning Gʻarbiy Sahroi kabirga boʻlgan daʼvosini qoʻllab-quvvatlaydi, Jazoir esa u yerda sahroiy xalqi uchun mustaqil davlat barpo etishga intilayotgan qurolli guruh — Polisario frontini qoʻllab-quvvatlaydi.