Jahon chempionidan terma jamoa murabbiyigacha: Rustam Qosimjonovning katta intervyusi
Tripolidagi gʻalabadan tortib dunyoning eng kuchli grossmeysterlari bilan ishlashgacha — Rustam Qosimjonov jahon chempionidan Oʻzbekiston terma jamoasi murabbiyigacha boʻlgan yoʻlni bosib oʻtdi. U oʻz intervyusida shogirdlari, zamonaviy shaxmat va oʻzbek shaxmatchilarining yangi avlodi haqida gapirib berdi.
Jahon chempionidan terma jamoa murabbiyligigacha: Rustam Qosimjonov bilan katta intervyu
Rustam Qosimjonov Kun.uz’ga Tripolidagi gʻalabasi, Vishvanatan Anand va Fabiano Karuana bilan ishlashi, Oʻzbekiston terma jamoasining tayyorgarligi, zamonaviy shaxmat va chiting (gʻirromlik) haqida gapirib berdi.
2004 yilda Qosimjonov jahon chempioni boʻldi, yillar oʻtib esa oʻzi eng kuchli shaxmatchilarning ustoziga aylandi. U Vishvanatan Anand va Fabiano Karuana bilan ishlagan, bugungi kunda esa Oʻzbekiston terma jamoasiga yordam bermoqda. U ushbu jamoani yuqori darajadagi ishonch va ambitsiyalarga ega boʻlgan yangi avlod vakillari deb hisoblaydi. Murabbiyning soʻzlariga koʻra, zamonaviy shaxmatchilar uchun beqiyos darajada katta hajmdagi maʼlumotlar ochiq, shu bois ular ancha erta yuqori darajada oʻynay boshlashadi.
2004 yilda Tripolidagi shov-shuvli gʻalabangizdan keyin butun Oʻzbekiston ushbu muvaffaqiyatni bayram qilgan edi.
— Toʻgʻrisini aytsam, 2004 yilda men u kishi bilan birinchi marta uchrashayotganim yoʻq edi. Bundan bir necha yil oldin, 2000 yoki 2001 yilda men davlat mukofotini — adashmasam, «Oʻzbekiston iftixori» unvonini olgan edim. Yaʼni, biz allaqachon bir marta koʻrishgandik. 2004 yildagi uchrashuv esa yanada tantanali vaziyatda oʻtdi. Jahon chempionatidan keyin davlat rahbari bilan uchrashish — bu, tabiiyki, hamisha hayajonli va gʻayrioddiy voqea.
Bunday narsalar unutilmasligi aniq. Shu bilan birga, men, albatta, biror shaxsiy narsani gapirib berolmayman, chunki biz erkin vaziyatda yakkama-yakka suhbatlashmaganmiz. Uchrashuvlarimiz hamisha rasmiy boʻlgan — odamlar, matbuot, qoʻriqchilar qurshovida.
Men hatto bir iqtibosni yozib oldim: «Bir necha yil oldin siz menga sovgʻa qilgan kompyuterda yozilgan xatda sizga bergan vaʼdamning ustidan chiqqanimdan juda xursandman».
Shunday boʻlsa kerak. Men hozir hamma tafsilotlarni eslay olmayman, oradan shuncha yil oʻtdi. Lekin agar siz ushbu iqtibosni oʻqib bergan boʻlsangiz, bu haqiqatga yaqin eshitiladi.
— Ha, mutlaqo toʻgʻri. Menimcha, oʻsha oʻsmirlar oʻrtasidagi Osiyo chempionati meni avvalgidan koʻra kuchliroq qoʻllab-quvvatlay boshlashlariga turtki boʻlgan. Oʻsha paytlarda shaxsiy kompyuter juda nodir narsa edi. Hozir esa hammada hamma narsa bor.