IT Park Ventures startaplar uchun NVIDIA va Notion dasturlariga kirish huquqini qoʻlga kiritdi
IT Park Ventures portfel startaplari NVIDIA Inception qoʻllab-quvvatloviga daʼvo qilishlari hamda Notion AI bilan Notion Business’dan olti oylik bepul foydalanish imkoniyatiga ega boʻlishlari mumkin.
IT Park Ventures startaplar uchun NVIDIA va Notion dasturlariga kirish huquqini qoʻlga kiritdi
IT Park Ventures NVIDIA VC Alliance таркибига кирди ва Notion for Startups дастурининг ҳамкорига айланди.
Ushbu yangi kelishuvlar jamgʻarmaning portfel startaplari uchun mahsulotlar yaratish, jamoaviy ishni yoʻlga qoʻyish va biznesni kengaytirish (masshtablash) boʻyicha qoʻshimcha imkoniyatlarni ochadi.
NVIDIA VC Alliance doirasida IT Park Ventures oʻz portfel kompaniyalarini sunʼiy intellekt sohasidagi startaplar uchun moʻljallangan NVIDIA Inception dasturida ishtirok etish uchun tavsiya eta oladi.
NVIDIA Inception ishtirokchilari NVIDIA ishlab chiqish vositalari va oʻquv materiallari, texnik maslahatlar, bozorga chiqish resurslari, bulutli kreditlar, shuningdek, hamkorlarning maxsus narxlari va takliflaridan foydalanish imkoniyatiga ega boʻladilar.
IT Park Ventures tomonidan tavsiya etilgan startaplarning arizalari tezlashtirilgan tartibda koʻrib chiqiladi. Shu bilan birga, dasturga qabul qilish boʻyicha yakuniy qarorni NVIDIA qabul qiladi.
Dastur roʻyxatdan oʻtgan, 10 yildan kam vaqtdan beri faoliyat yuritayotgan va jamoasida muassisdan tashqari kamida bitta dasturchi boʻlgan AI-startaplar uchun moʻljallangan. Konsalting kompaniyalari, buyurtmaga dasturiy taʼminot yaratuvchi studiyalar, bulutli provayderlar, resellerlar va kriptovalyuta kompaniyalari ishtirok etish shartlariga toʻgʻri kelmaydi.
Ikkinchi hamkorlik — Notion bilan — Notion AI oʻz ichiga olingan Notion Business tarifidan olti oy davomida bepul foydalanish imkoniyatini beradi. Servisdan loyihalarni boshqarish, bilimlar bazasini yuritish va hamkorlikdagi ishni tashkil etish uchun foydalanish mumkin.
Taklif xodimlari soni 100 nafardan kam boʻlgan, ilgari Notion'ning pullik obunasidan foydalanmagan va dasturning boshqa shartlariga javob beradigan startaplar uchun amal qiladi. Har bir ariza alohida koʻrib chiqiladi.
Ikkala imkoniyat ham faqat IT Park Ventures portfel kompaniyalari uchun ochiq. Ishtirok etish va ariza topshirish shartlari haqida batafsil maʼlumot olish uchun startaplar jamgʻarma jamoasiga murojaat qilishlari kerak.
IT Park Ventures, shuningdek, startaplarni jamgʻarma portfeliga kirish va xalqaro qoʻllab-quvvatlash dasturlariga ulanish uchun investitsiyalar olishga ariza topshirishga taklif etadi.