iPhone 18 Pro Max va Galaxy S26 Ultra chidamliligi bo‘yicha taqqoslandi

**iPhone 18 Pro Max va Galaxy S26 Ultra chidamlilik sinovida solishtirildi**

PhoneBuff YouTube kanali mualliflari iPhone 18 Pro Max bilan Galaxy S26 Ultra’ning mustahkamligini taqqoslab ko‘rishdi.

Birinchi sinovda smartfonlar bir metr balandlikdan tashlandi. Ikkalasining ham orqa panelidagi shisha darz ketdi, biroq Apple flagmani yaxshiroq holatda qoldi. Samsung telefoni esa tashqi ko‘rinish jihatidan ancha ko‘proq zarar oldi.

Ikkinchi bosqichda qurilmalar burchagi bilan yerga urildi. Har ikkala smartfonning alyuminiy ramkalari tirnaldi, ammo iPhone 18 Pro Max’dagi shikastlanishlar jiddiyroq bo‘lib, sezilarli ezilgan joylar ham paydo bo‘ldi. Aynan shu bosqichda Galaxy S26 Ultra ustun keldi.

Uchinchi sinov — ekran tomoni bilan tushirish — hal qiluvchi bo‘ldi. iPhone displeyi butun qoldi, Galaxy’niki esa chilparchin bo‘ldi. Shu bilan birga, uning barmoq izi skaneri ishlamay qoldi.

Keyingi raundlarda balandlik 1,5 metrgacha oshirildi, ammo vaziyat deyarli o‘zgarmadi. Qizig‘i shundaki, iPhone 18 Pro Max ekrani faqat oltinchi va oxirgi qulashdan keyingina darz ketdi.

Galaxy S26 Ultra esa 53 ball to‘pladi.

Drop-testni ilmiy tajriba deb bo‘lmaydi, ammo u smartfonlar tasodifan tushib ketganda nimalar yuz berishi mumkinligi haqida umumiy tasavvur beradi. Shuni ham ta’kidlash kerakki, ikkala qurilma ham g‘ilofsiz sinovdan o‘tkazilgan, shuning uchun real hayotda himoya bilan ular, albatta, chidamliroq bo‘ladi.