InfinBANK “2026-yilda kichik va o‘rta biznes uchun eng yaxshi bank” deb topildi
Global Banking & Finance Awards xalqaro mukofoti InfinBANK’ni 'Best SME Bank Uzbekistan 2026' mukofoti bilan taqdirladi. Ushbu e’tirof bankning kichik va o‘rta biznes uchun moliyaviy yechimlarni rivojlantirish borasidagi faoliyati bilan bog‘liq.
InfinBANK “2026-yilda kichik va o‘rta biznes uchun eng yaxshi bank” deb e’tirof etildi
Bu yil o‘zining 16 yilligini nishonlayotgan InfinBANK AJ jahon moliya sanoatining eng nufuzli mukofotlaridan biri sanaladigan Global Banking & Finance Review Awards doirasida nufuzli “SME Bank Uzbekistan 2026” xalqaro mukofotini qo‘lga kiritdi.
“Kichik va o‘rta biznes uchun eng yaxshi bank” nominatsiyasidagi g‘alaba shunchaki mukofot ro‘yxatidagi navbatdagi satr emas, balki InfinBANK’ning O‘zbekiston tadbirkorlarini qo‘llab-quvvatlash yo‘lidagi tizimli faoliyatining tasdig‘idir. Kichik va o‘rta biznes mamlakat iqtisodiyotining muhim tayanchi hisoblanadi va xalqaro ekspertlarning mintaqadagi ko‘plab moliya institutlari orasida aynan InfinBANK’ni ajratib ko‘rsatgani bankning mahsulot sifati, xizmat ko‘rsatish tezligi hamda mijozlarga yo‘naltirilgan yondashuvini tasdiqlaydi.
Global Banking & Finance Awards har yili dunyoning o‘nlab mamlakatlaridan arizalarni qabul qiladi va kompaniyalarni nomzod sifatida ko‘rsatadi. Ushbu mukofotda g‘olib bo‘lish esa an’anaviy ravishda bozor ishtirokchilari tomonidan yuqori ishonch va kasbiy e’tirof belgisi sifatida qabul qilinadi. InfinBank uchun bu mukofot tanlangan strategiyaning yana bir isbotidir: asosiy e’tibor o‘z biznesini qurayotgan va rivojlantirayotganlar uchun moliyaviy vositalarni yanada ommabop va qulay qilishga qaratilgan.
“Bu mukofot nafaqat bankka, balki bizni moliyaviy hamkor sifatida tanlagan har bir tadbirkorga ham tegishli. Bugungi kunda tadbirkorlar orasida katta talabga ega bo‘lgan Infin Yuksalish kredit mahsulotimiz bunga yorqin misol bo‘la oladi. U 7 yilgacha bo‘lgan muddatga atigi 18,99% yillik foiz evaziga 5 mlrd so‘mgacha mablag‘ olish imkonini beradi — bu aylanma mablag‘larni to‘ldirish, xaridlar va yetkazib beruvchilar bilan hisob-kitob qilish uchun bozordagi eng qulay shartlardan biridir. Tadbirkorlarni qo‘llab-quvvatlash yanada tez, oson va samarali amalga oshirilishi uchun biz kichik va o‘rta biznes uchun mahsulotlarni rivojlantirishga sarmoya kiritishda davom etamiz”, — dedi InfinBANK boshqaruvi raisi o‘rinbosari Alesya Frolova.