Ikki yoshli oʻgʻli Kiprdagi mehmonxonada yiqilib halok boʻlganidan keyin otaga jarima solindi
Joshua Foster 3 000 yevro (2 500 funt sterling) toʻlashi kerak, deb hukm chiqardi Pafos sudyasi.
Kiprda 2 yashar oʻgʻli mehmonxonadan tushib ketib halok boʻlgach, otaga jarima solindi
Kiprdagi besh yulduzli mehmonxonada ikki yoshli oʻgʻli yiqilib halok boʻlgan otaga 3000 yevro (£2500) jarima solindi.
Pafos tuman sudida ilgari maʼlum qilinganidek, Joshua Foster akvapark manzarasini koʻrsatish uchun oʻgʻlini deraza raxiga oʻtqazganida deraza yopiq deb oʻylagan va uni «boshqara olmay qolgan».
Bola 12 iyul kuni, oilaning Xlorakasdagi King Evelthon Beach Hotel and Resort mehmonxonasidagi taʼtilining birinchi kunida toʻrtinchi qavatdan deyarli 40 fut (12,1 m) balandlikdan tushib ketgan.
Esseksdan boʻlgan 37 yoshli Foster ehtiyotsizlik, shoshqaloqlik yoki xavfli harakat tufayli oʻlimga olib kelishda aybini tan oldi va juma kuni ertalab unga hukm oʻqildi.
Auditor, uning xotini, ikki farzandi va qaynona-qaynotasi hodisa sodir boʻlgan kuni erta tongda Kiprga uchib kelishgan edi.
Ular kunni turli mashgʻulotlar, jumladan, basseynga borish bilan oʻtkazishgan, kechqurun esa kechki ovqatga tayyorgarlik koʻrishgan.
Soat 18:00 atrofida Foster, uning qaynotasi va oʻgʻli lift tomon yoʻl olishgan. Uni himoya qilayotgan advokat Aleksandros Aleksandruning sudga maʼlum qilishicha, otaning «kafiyati aʼlo» boʻlgan va oʻgʻli bilan oʻynashayotgan edi.
Hodisa oilaning besh yulduzli King Evelthon Beach Hotel and Resort mehmonxonasidagi taʼtilining birinchi kunida sodir boʻlgan
Sudda eshitilishicha, ular liftga yaqinlashganda, bola tashqaridagi akvaparkni koʻrib qolgan.
Foster lift tugmasini bosgani, bolani deraza raxiga qoʻygani va u munosabat bildirishga ulgurmasidan oldin «aklga sigʻmas» hodisa yuz bergani aytildi.
Janob Aleksandru 6 oktyabr kuni boʻlib oʻtgan oldingi sud majlisida Fosterning hayoti oʻsha soniyadan boshlab «butunlay oʻzgarib ketganini» aytdi.
Politsiyaga soat 18:40 atrofida bolaning «nomaʼlum sharoitda» yiqilib tushgani haqida xabar kelib tushgan.
Bola Pafos umumiy shifoxonasiga olib borilgan va keyinchalik u vafot etgani maʼlum qilingan.
Politsiyaga oʻz ixtiyori bilan bergan koʻrgazmasida Foster oʻgʻlini deraza raxiga qoʻyganda, bola «uni ushlab olishga ulgurmasidan oldin tushib ketganini» aytgan.