Ijtimoiy himoya agentligi va Jahon banki nafaqalar berishning yangi yondashuvlarini muhokama qildi
Ijtimoiy himoya agentligi va Jahon banki nafaqalar berishning yangi yondashuvlarini muhokama qildi
Milliy ijtimoiy himoya agentligi Jahon banki vakillari bilan birgalikda muhtoj fuqarolarni Ijtimoiy reyestrga kiritishning yangi mezonlarini ishlab chiqishni muhokama qildi.
Uchrashuv Prezident huzurida 3 sentyabr kuni oʻtkazilgan videoselektor yigʻilishida belgilangan vazifalar ijrosi doirasida boʻlib oʻtdi. Ishtirokchilar oilalarning ijtimoiy-iqtisodiy ahvolini aniqroq baholash imkonini beruvchi koʻp oʻlchovli yondashuvni joriy etishga alohida eʼtibor qaratdilar.
Yangi metodologiya nafaqat oila daromadlarini, balki boshqa muhim ijtimoiy omillarni ham hisobga olishni nazarda tutadi. Ular qatorida — nogironlik, surunkali kasalliklar mavjudligi, koʻp bolalilik, shuningdek, oila aʼzolarining chet elda ishlayotgani fakti bor.
Uchrashuv yakunlari boʻyicha tomonlar ijtimoiy nafaqalarni haqiqatda muhtoj boʻlgan fuqarolarga yanada manzilli yetkazib berishni taʼminlaydigan mezonlarni shakllantirish boʻyicha qoʻshma qadamlarni kelishib oldilar.