Hunarmandlar eng ko‘p qaysi hududlarda faoliyat yuritmoqda?
O‘zbekistonda 23 mingdan ortiq hunarmand faoliyat yuritayotgani ma’lum qilindi
Qaysi hududlarda hunarmandlar ko‘proq ish olib bormoqda?
Milliy statistika qo‘mitasining ma’lumotlariga ko‘ra, 2026-yil 1-iyul holatiga O‘zbekistonda jami 23 ming 163 nafar hunarmand faoliyat ko‘rsatmoqda.
Hududlar kesimida eng ko‘p hunarmandlar Toshkent shahrida joylashgan bo‘lib, bu yerda 2 ming 987 nafar hunarmand mehnat qiladi. Ikkinchi o‘rinda Farg‘ona viloyati (2 ming 743 nafar), uchinchi o‘rinda esa Samarqand viloyati (2 ming 209 nafar) turadi.
Shuningdek, Andijon viloyatida 2 ming 113 nafar, Namangan viloyatida 2 ming 48 nafar hunarmand ro‘yxatga olingan. Xorazm viloyatida 1 ming 919 nafar, Toshkent viloyatida esa 1 ming 830 nafar hunarmand faoliyat yuritadi.
Qashqadaryo viloyatida 1 ming 547 nafar, Buxoro viloyatida 1 ming 530 nafar hunarmand bor.
Surxondaryo viloyatida 1 ming 170 nafar, Qoraqalpog‘iston Respublikasida 1 ming 121 nafar hunarmand ishlamoqda. Jizzax viloyatida esa bu ko‘rsatkich 1 ming 32 nafarni tashkil etadi.
Boshqa hududlarda hunarmandlar soni sezilarli darajada kamroq. Xususan, Sirdaryo viloyatida 462 nafar, Navoiy viloyatida esa 452 nafar hunarmand qayd etilgan.