Hech narsani yashirib boʻlmaydi: SI Oʻzbekiston davlat korxonalarining moliyaviy muammolarini izlash bilan shugʻullanadi
15 ta moliyaviy koʻrsatkich, 12 ta xavf indikatori va SI-yordamchisi davlat korxonalarini chuqur tahlil qilish va isloh qilish ustuvorliklarini belgilash imkonini beradi. Oʻzbekiston Iqtisodiyot va moliya vazirligida davlat korxonalarining moliyaviy ojizliklarini aniqlash, fiskal xavflarni baholash va ularni isloh qilish boʻyicha chora-tadbirlarni asoslashga moʻljallangan UZSOE Intelligence Platform platformasi taqdim etildi. Platforma vazirlik va Buyuk Britaniyaning Algorithmic Governance Foundation (AGF) tashkiloti bilan hamkorlikda ishlab chiqilgan, […]
Hech narsani yashirib boʻlmaydi: SI Oʻzbekiston davlat korxonalarining moliyaviy muammolarini qidiradi
15 ta moliyaviy koʻrsatkich, 12 ta xavf indikatori va SI-yordamchi davlat korxonalarini chuqur tahlil qilish va islohotlar uchun ustuvor yoʻnalishlarni belgilash imkonini beradi.
Oʻzbekiston Iqtisodiyot va moliya vazirligida davlat korxonalarining moliyaviy ojizliklarini aniqlash, fiskal xavflarni baholash va ularni isloh qilish boʻyicha chora-tadbirlarni asoslash uchun yaratilgan UZSOE Intelligence Platform platformasi taqdimoti oʻtkazildi.
Platformani ishlab chiqish vazirlik hamda Oksford universiteti huzurida faoliyat yurituvchi Buyuk Britaniyaning Algorithmic Governance Foundation (AGF) tashkiloti bilan hamkorlikda olib borildi. Loyiha AGF’ning oʻz mablagʻlari hisobidan moliyalashtirildi, xabar beradi muassasa axborot xizmati.
Davlat korxonalari toʻgʻrisidagi maʼlumotlar turli shakllarda — moliyaviy hisobotlar, reyestrlar, auditorlik xulosalari va boshqa manbalarda saqlanadi. UZSOE ushbu maʼlumotlarni birlashtiradi va vazirlik uchun muhim boʻlgan vazifani hal qilishga yordam beradi: qaysi korxonalar chuqurroq oʻrganishni talab qilishini, bunday tahlil zarurligi qaysi dalillar bilan tasdiqlanishini va birinchi navbatda qaysi choralarni koʻrib chiqish kerakligini aniqlaydi.
Platformaning moliyaviy tahlil mexanizmi 15 ta koʻrsatkich va oldindan belgilangan 12 ta xavf indikatorini oʻzida mujassam etgan. mavjud maʼlumotlar asosida korxonalarning rentabelligi, likvidligi, qarz yuki va davlat qoʻllab-quvvatlashiga qaramligi baholanadi.
Moliyaviy ahvol yomonlashganini aniqlash uchun bir necha yil davomida koʻrsatkichlar oʻzgarishi toʻgʻrisidagi maʼlumotlardan, shuningdek, oʻxshash korxonalar bilan solishtirish natijalaridan foydalaniladi. Ushbu mexanizmni yaratishda Xalqaro valyuta jamgʻarmasining davlat korxonalarining moliyaviy xavflarini baholashga doir yondoshuvi qoʻllanildi.
SI-yordamchi moliyaviy natijalarni hisobotlar va boshqa hujjatlardagi maʼlumotlar bilan solishtirish, alohida korxonalar boʻyicha qisqacha tahliliy maʼlumotnomalar va tavsiyalar tayyorlash imkonini beradi. Foydalanuvchilar tizimga oʻzbek tilida savollar berishlari, muayyan kompaniyalar faoliyatini oʻrganishlari va korxonalar guruhlarini solishtirishlari mumkin. Birinchi bosqichda asosiy eʼtibor energetika va transportga, jumladan, temir yoʻl korxonalariga qaratilmoqda.