Harri Keyn “Bavariya” bilan shartnomasini 2029-yilgacha uzaytirdi
Yangi shartnomaga ko‘ra, u Yevropada eng ko‘p maosh oladigan futbolchiga aylandi.
Harri Keyn “Bavariya” bilan shartnomasini 2029-yilgacha uzaytirdi
Hujumchi Harri Keyn “Bavariya” klubi bilan yangi shartnoma imzoladi. Bu haqda “Bavariya”ning rasmiy veb-saytida ma’lum qilindi. Kelishuv 2029-yil 30-iyungacha amal qiladi.
“2023-yil yozida Myunxen klubiga kelganidan beri Angliya terma jamoasi sardori ikkita Bundesliga chempionligi, bitta Germaniya kubogi va ikkita Frans Bekkenbauer Superkubogini qo‘lga kiritdi. U hozirgacha 161 ta rasmiy uchrashuvda maydonga tushib, 156 ta gol urdi. Keyn Germaniya chempionati va Yevropada bir qator rekordlarni yangiladi va o‘tgan hafta dunyoning eng yaxshi futbolchisi deb topildi“, deyiladi klub bayonotida.
“Men ‘Bavariya’da o‘zimni uyimdagidek his qilaman. Menga klub, muxlislar va Myunxen shahri juda yoqadi. Bizda ajoyib murabbiy Vinsent Kompani boshchiligidagi ajoyib jamoa bor. Men bu klubning bir qismi ekanligimdan juda faxrlanaman. Butun oilam bu yerda baxtli. Men qolishni xohladim. Endi men kelajakka optimistik qarayman va bu buyuk klub bilan yana ko‘plab unvonlarni qo‘lga kiritishni istayman“, dedi Keyn.
Yangi shartnoma bilan Harri Keyn nafaqat “Bavariya”da, balki butun Yevropada eng ko‘p maosh oluvchi futbolchiga aylandi. Ma’lumotlarga ko‘ra, uning yillik maoshi taxminan 25 million yevroni tashkil etadi.