Hansi Flik “Barselona” murabbiylari orasida XXI asr rekordini o‘rnatdi

Hansi Flik “Barselona” murabbiylari orasida XXI asr rekordini qayd etdi

Ispaniya La Ligasining 6-turida Kataloniyaning “Barselona” klubi “Rasing”ni 7:2 hisobida yirik hisobda mag‘lub etdi. Bu “ko‘k-anorranglilar” bosh murabbiyi Hansi-Diter Flik uchun jamoani boshqargan 124-uchrashuvdagi 95-g‘alaba bo‘ldi. Ta’kidlash joiz, nemis mutaxassisi qo‘l ostida jamoa o‘tkazilgan o‘yinlarning 77 foizida g‘alaba qozongan.

Stats Foot nashri ma’lumotiga ko‘ra, bu Kataloniya klubi murabbiylari orasida XXI asrdagi eng yaxshi ko‘rsatkich hisoblanadi. Flik ushbu natija bilan sobiq bosh murabbiy Luis Enrikening rekordini (76 foiz) yangiladi.

Diqqatga sazovor tomoni shundaki, bu Flik faoliyatidagi eng yaxshi ko‘rsatkich emas. Nemis mutaxassisi 2019–2021-yillarda “Bavariya”ni boshqargan va myunxenliklar bilan bundan ham yuqori — 81 foizlik natijaga erishgan. O‘shanda u jamoani jami 86 marta maydonga boshlab tushgan va shundan 70 tasida g‘alaba qozongan (7 ta durang va 7 ta mag‘lubiyat).

Ma’lumot uchun, Hansi-Diter Flik “Barselona” postini 2024-yil yozida qabul qilib olgan. Uning klub bilan amaldagi shartnomasi 2028-yil o‘rtalarigacha mo‘ljallangan. Ispaniya La Ligasining 2026/27-yilgi mavsumi 6-turidan so‘ng kataloniyaliklar 18 ochko bilan turnir jadvalida 1-o‘rinni egallab turibdi.