Germaniya Oʻzbekistondagi ijtimoiy va iqtisodiy loyihalarga 71 million yevro yoʻnaltiradi

Germaniya Oʻzbekistondagi ijtimoiy va iqtisodiy loyihalarga 71 million yevro ajratadi

Germaniya Oʻzbekistonda iqtisodiy rivojlanish, ijtimoiy himoya, qonun ustuvorligi, iqlim va energetika sohalaridagi tashabbuslarga 71 million yevro yoʻnaltiradi.

Bu haqda 7 oktyabr kuni boʻlib oʻtgan hukumatlararo muzokaralar yakunlariga koʻra Germaniya elchixonasi Podrobno.uz saytiga maʼlum qildi.

Tomonlar 30 yildan ortiq vaqtdan beri davom etib kelayotgan hamkorlikni davom ettirishga kelishib oldilar. Germaniya, shuningdek, "Oʻzbekiston-2030" strategiyasini amalga oshirish va BMTning Barqaror rivojlanish maqsadlariga erishishni qoʻllab-quvvatlashga tayyorligini tasdiqladi.

Qoʻshma loyihalar xususiy sektor va savdoni qoʻllab-quvvatlash, Germaniya dual tizimini hisobga olgan holda kasb-hunar taʼlimini modernizatsiya qilish, qayta tiklanuvchi energetikani rivojlantirish va elektr uzatish tarmoqlarini kengaytirishni nazarda tutadi. Yana bir yoʻnalish — ijtimoiy himoya tizimini, shu jumladan aholining zaif qatlamlari uchun takomillashtirishdir.

Loyihalarni amalga oshirishda Germaniya federal hukumati topshirigʻiga binoan KfW taraqqiyot banki, Germaniya xalqaro hamkorlik jamiyati (GIZ) va Federal fizika-texnika instituti (PTB) ishtirok etmoqda.