Gazni endi sun’iy intellekt boshqaradi: Toshkentda SMART GTP tizimi joriy etilmoqda

Qishda gaz iste’moli keskin oshganda yoki yozda talab kamayganda gaz bosimini barqaror ushlab turish gaz ta’minoti tizimining eng muhim vazifalaridan biri hisoblanadi. Toshkent shahrida bu jarayonni avtomatlashtirish maqsadida sun’iy intellekt asosida ishlovchi SMART GTP tizimlari bosqichma-bosqich joriy etilmoqda. Yangi texnologiya gaz bosimini real vaqt rejimida nazorat qilish, muammolarni oldindan aniqlash va tizimni masofadan boshqarish imkonini beradi.