Fuqarolik obyektlari qurilishi 31,6 foizga o‘sdi
O‘zbekistonda 8 oyda fuqarolik obyektlari qurilishida 55,5 trln so‘mlik ishlar amalga oshirildi
Fuqarolik obyektlari qurilishi 31,6 foizga oshdi
2026-yil yanvar–avgust oylarida O‘zbekistonda fuqarolik obyektlari qurilishi bo‘yicha 55,5 trln so‘mlik qurilish ishlari bajarilgan. Bu haqda Milliy statistika qo‘mitasi ma’lum qildi.
Mazkur ko‘rsatkich 2025-yilning shu davriga nisbatan 31,6 foizga ko‘paygan.
Fuqarolik obyektlari qurilishi hajmi eng yuqori Samarqand viloyatida qayd etilgan. Ushbu hududda 7,9 trln so‘mlik qurilish ishlari amalga oshirilgan. Toshkent viloyatida 6,5 trln so‘mlik, Buxoro viloyatida 3,9 trln so‘mlik, Farg‘ona viloyatida 3,7 trln so‘mlik qurilish ishlari bajarilgan.
Xorazm viloyatida 2,8 trln so‘m, Qashqadaryo viloyatida 2,7 trln so‘m, Andijon viloyatida 2,5 trln so‘mlik ishlar bajarilgan. Navoiy va Surxondaryo viloyatlarida fuqarolik obyektlari qurilishi hajmi 2,4 trln so‘mdan, Qoraqalpog‘iston Respublikasida esa 2,2 trln so‘mni tashkil etgan.
Namangan viloyatida 2 trln so‘mlik, Sirdaryo viloyatida 1,8 trln so‘mlik, Jizzax viloyatida 1,6 trln so‘mlik qurilish ishlari amalga oshirilgan. Toshkent shahrida ushbu yo‘nalishda 1,3 trln so‘mlik qurilish ishlari bajarilgan.