Frantsiya maktabida ikki oʻqituvchiga oʻt ochilganidan keyin oʻquvchi hibsga olindi
Oʻrta maktab direktori va oʻqituvchi jarohatlanganidan soʻng 14 yoshli oʻsmir qoʻlga olindi.
Frantsiyadagi maktabda ikki oʻqituvchiga oʻt ochilgach, oʻquvchi qoʻlga olindi
Doʻshanba kuni ertalab Frantsiyadagi maktablardan birida direktor va oʻqituvchiga oʻt ochilganidan keyin bir oʻquvchi hibsga olindi, xabar beradi Frantsiya OAVlari.
14 yoshli oʻsmir Frantsiya janubidagi Oban shahrida joylashgan Lakanal oʻrta maktabidagi hodisadan soʻng hibsga olingani aytilmoqda.
Oʻqituvchilar hayoti uchun xavf tugʻdirmaydigan jarohatlar olgani va ularga tibbiy yordam koʻrsatilgani bildirilgan.
BFMTV telekanali va Le Parisien nashri surishtiruv jarayonidan xabardor manbalarga tayanib xabar berishicha, bu hodisa maktablardagi sharoitlar boʻyicha davom etayotgan norozilik namoyishlari bilan bogʻliq emas deb hisoblanmoqda.
Taʼlim vaziri Eduar Jeffre ijtimoiy tarmoqlarda shunday deb yozdi: "Milliy taʼlim tizimining ikki xodimi — direktor va oʻqituvchi bugun ertalab Obandagi Lakanal oʻrta maktabida oʻqotar quroldan jarohat oldi.
Jinoyatni bir oʻquvchi sodir etgani aytilmoqda."
U doʻshanba kuni tushdan keyin Ichki ishlar vaziri Loran Nunyes bilan birgalikda Marsel yaqinidagi voqea joyiga tashrif buyurishi kutilmoqda.