xabarchixabarchiABARCHI
Sport

Fransiya futbol federatsiyasi rahbari Infantinoni qo‘llab-quvvatladi

Fransiya futbol federatsiyasi prezidenti Filipp Diallo Xalqaro futbol federatsiyasi (FIFA) rahbari Janni Infantinoni qo‘llab-quvvatlashini bildirdi. Bu haqda fransiyalik jurnalist Romen Molina ma’lum qildi.

Manbaning xabar berishicha, Diallo FIFAga qarshi boykot masalasida UEFAning pozitsiyasini qo‘llab-quvvatlash niyatida emas. Ta’kidlanishicha, Fransiya prezidenti Emmanuel Makron ham ushbu nuqtai nazarni ma’qullaydi.

Avvalroq FIFA Forward Enterprise (FFE) deb nomlangan yangi tuzilma tashkil etish rejasini e’lon qilgan edi. Ushbu tuzilmaga federatsiyaning tijoriy faoliyat yo‘nalishlari hamda FIFA tomonidan tashkil etiladigan turnirlarni o‘tkazish ishlari birlashtirilishi rejalashtirilgan edi. Tashkilot yangi tuzilmadagi ulushlarni xususiy investorlarga taklif qilishni ko‘zlagan edi.

Ushbu tashabbus UEFAning qattiq noroziligiga sabab bo‘lgan va JCH-2030ni boykot qilish ehtimoli haqida xabarlar tarqalgan edi. Keyinchalik FIFA Infantino nomidan bayonot berib, loyiha atrofida kelishmovchiliklar mavjudligini tan oldi va taklif amalga oshirilmasligini ma’lum qildi.

Infantino 2016-yildan beri FIFAga rahbarlik qilib kelmoqda. U 2027-yilda yana prezidentlikka nomzodini qo‘yish niyatini bildirgan. Tashkilot prezidentligi uchun saylovlar kelgusi yil bahorida Marokashda bo‘lib o‘tadi.

jchfifajanni infantinouefafifa forward enterprisefransiya futbol federatsiyasiboykotemmanuel makron

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.