Farzandingiz bilan muhim mavzularda gaplashishga yordam beradigan 5 ta multfilm
Farzandingiz bilan muhim mavzularda suhbatlashishga yordam beradigan 5 ta multfilm
Bolalar bilan muhim va chuqur masalalar haqida gaplashish har doim ham oson emas. Bunday paytda multfilmlar va kinolar yordamga keladi. Ular nafaqat suhbat uchun mavzu yoki bahona bo‘lib xizmat qiladi, balki bolalar uchun ahamiyatli bo‘lgan narsalar haqida o‘zlari ham bevosita gapiradi. Kattalar esa ba’zan bolaning orzusini masxara qilmasdan, shunchaki uning yonida bo‘lishsa kifoya.
Korrida uchun tug‘ilgan buqa gullarni hidlashni juda yaxshi ko‘radi va jang qilishni istamaydi. Boshqa buqalar uning ustidan kuladi, jamiyat esa uni o‘z “vazifasi”ga moslashishga majbur qilishga urinadi. Ammo Ferdinand o‘zligicha qolishni tanlaydi — va korridaga tushib qolgach, jang qilishdan bosh tortadi, aksincha, o‘tirib olib gul hidlaydi.
Kalamush Remi bosh oshpaz bo‘lishni orzu qiladi. Otasi va butun kalamushlar oilasi uning pazandalikka bo‘lgan ishtiyoqini tushunmaydi, chunki kalamushlar axlat yeyishi kerak. Remi ikki xil hayot kechiradi, Parijdagi restoranda yashirincha taom tayyorlaydi va oxir-oqibat iste’dod kelib chiqishga bog‘liq emasligini isbotlaydi.
Yetim qiz Felis raqsga tushishni orzu qiladi, lekin uning na puli, na ma’lumoti bor. U yetimxonadan Parijga qochib boradi, aldov yo‘li bilan balet maktabiga o‘qishga kiradi, masxaralarga chidaydi va shunga qaramay rolga erishadi, chunki raqs u uchun hayotning o‘zidir.
Etikdo‘zlar oilasidan bo‘lgan 12 yoshli Migel musiqani jon-dildan sevadi, ammo Rivera urug‘ida bu qat’iyan taqiqlangan: uning katta bobosi musiqachi bo‘lish uchun oilasini tashlab ketgan edi. Migel yashirincha gitara chalishni o‘rganadi va musiqa bilan shug‘ullanish huquqi uchun kurashadi, O‘liklar mamlakatiga tushib qolgach esa oilaviy haqiqatni tiklaydi.
Tropik orol sardorining qizi bolaligidan okeanga shaydo, ammo otasi unga ko‘rfazdan nariga suzib o‘tishni taqiqlaydi, chunki qachonlardir u dengiz tufayli do‘stidan ayrilgan edi. Moana itoatkor bo‘lishga harakat qiladi, ammo orol halokat yoqasida qolganda, taqiqni buzib, dengiz safariga otlanadi. Va dunyoni hamda o‘z orolini qutqarib qoladi.